პარლამენტში აღმოსავლეთ პარტნიორობის ქვეყნების პარლამენტების აპარატების ქალი ლიდერების ქსელის ერთკვირიანი პროგრამა დასრულდა

საქართველოს პარლამენტში აღმოსავლეთ პარტნიორობის ქვეყნების პარლამენტების აპარატების ქალი ლიდერების ქსელის ერთკვირიანი პროგრამა დასრულდა. ინფორმაციას საქართველოს პარლამენტი ავრცელებს.

მათივე ცნობით, აღმოსავლეთ პარტნიორობის ქვეყნების პარლამენტების აპარატების ქალი ლიდერების ქსელის წარმომადგენლები ვიზიტის დასასრულს, გენდერული თანასწორობის მუდმივმოქმედი საპარლამენტო საბჭოს წევრს, ბაია კვიციანს შეხვდნენ.

„ბაია კვიციანმა სტუმრებს გენდერული საბჭოს ფუნქციები და უფლებამოსილებები, განხორციელებული აქტივობები, საქმიანობის ძირითადი მიმართულებები გააცნო და სამომავლო გეგმებზე ისაუბრა.

აღმოსავლეთ პარტნიორობის ქვეყნების პარლამენტების აპარატების ქალი ლიდერების ქსელის წარმომადგენლებმა გენდერულ საკითხებზე მუშაობის მიმართულებით, მათი ქვეყნების პარლამენტების გამოცდილებაზე ისაუბრეს.

საქართველოს პარლამენტში აღმოსავლეთ პარტნიორობის ქვეყნების პარლამენტების აპარატების ქალი ლიდერების ქსელის ერთკვირიანი პროგრამის ფარგლებში, მონაწილეები საჯარო გამოსვლებისა და მოხსენების წერის ტექნიკის საკითხებს ეუფლებოდნენ. ღონისძიების მონაწილეები, ასევე, საქართველოს პარლამენტის თავმჯდომარე შალვა პაპუაშვილს, საქართველოს პარლამენტის აპარატის უფროსს, ქეთევან კვინიკაძეს და პარლამენტის გენდერული თანასწორობის მუდმივმოქმედი საპარლამენტო საბჭოს წევრებს შეხვდნენ.

ღონისძიებაში საქართველოს, მოლდოვას, უკრაინისა და აზერბაიჯანის პარლამენტების, ასევე, აჭარის ავტონომიური რესპუბლიკის უმაღლესი საბჭოს აპარატების წარმომადგენლები მონაწილეობდნენ.

აღნიშნული ღონისძიება აღმოსავლეთ პარტნიორობის წევრი ქვეყნების პარლამენტის აპარატის უფროსების ქსელის ფარგლებში გაიმართა. ქალების გაძლიერების ინიციატივის მიზანია ქალების პროფესიული პოტენციალის წარმოჩინების ხელშეწყობა და პროფესიულ ცხოვრებაში მათი როლის გაზრდა. ერთკვირიანი პროგრამა სერთიფიკატების გადაცემით დასრულდა.

პარლამენტის აღმოსავლეთ პარტნიორების წევრი ქვეყნების პარლამენტის აპარატის უფროსების ქსელის მთავარი მხარდამჭერი და პარტნიორია გერმანიის საერთაშორისო თანამშრომლობის საზოგადოების (GIZ) პროექტი „თანამედროვე და ძლიერი პარლამენტის აპარატი აღმოსავლეთ პარტნიორობის ქვეყნებში", - აღნიშნულია გავრცელებულ ინფორმაციაში.

ლევან ალაფიშვილი - თუ სასამართლომ მმართველი გუნდის სასარგებლო გადაწყვეტილება მიიღო, ევროპული სტრუქტურებისთვის ეს იქნება იმის ლუსტრაცია რომ ჩვენ არც საკონსტიტუციო სასამართლო გვაქვს დამოუკიდებელი პოლიტიკური გავლენებისგან
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა