ლევან ხაბეიშვილი - ბიძინა ივანიშვილი და „რუსული პარტია“ მუდმივად ტყუილზე აგებს თავის პროპაგანდას და რეალურად „ნაციონალური მოძრაობა“ არის ყველაზე ეროვნული პარტია საქართველოში

ბიძინა ივანიშვილი და „რუსული პარტია“ მუდმივად ტყუილზე აგებს თავის პროპაგანდას და რეალურად „ნაციონალური მოძრაობა“ არის ყველაზე ეროვნული პარტია საქართველოში, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა ქუთაისში, „გამარჯვების პლატფორმის“ ფარგლებში, მოსახლეობასთან შეხვედრისას განაცხადა.

„ერთიანი ნაციონალური მოძრაობის“ თავმჯდომარე ლევან ხაბეიშვილი და „სტრატეგია აღმაშენებლის“ თავმჯდომარე გიორგი ვაშაძე, პარტიის სხვა ლიდერებთან ერთად, ბაგრატის ტაძართან, მოქალაქეებს შეხვდნენ და პრეზენტაცია გამართეს.

„ჩვენ ახლა შეხვედრას ვმართავთ ბაგრატთან. იქ, სადაც ათი საუკუნის წინ საქართველოს გაერთიანების სიმბოლოდ აშენდა ბაგრატი, სხვათა შორის, ის ბაგრატი, რომელიც „ნაციონალური მოძრაობის“ დროს მიხეილ სააკაშვილის უშუალო ჩართულობით აღდგა და რეკონსტრუქცია ჩაუტარდა. ჩვენდა სამწუხაროდ, ახლა ვინც ეთერში უყურებთ, ვინც აქ სხედხართ და ხედავთ, რომ ჩვენი შეხვედრის დაწყებამდე ბიძინა ივანიშვილის „რუსულმა პარტიამ“ მოახერხა და ბაგრატი ჩააბნელა იმისთვის, რომ თითქოს რაღაც აჩვენოს ხალხს, რომ ვერ დაინახავს და ვერ მიხვდება ხალხი, მაგრამ იმ ხელისუფლების პირობებში, ვინც ჩააბნელა ქვეყანა, უნდა, რომ რუსეთის გუბერნიად აქციოს ქვეყანა, ბაგრატის ჩაბნელება არ გვიკვირს, მაგრამ აქედან რამდენიმე კილომეტრში გელათს რას უშვრება ბიძინა ივანიშვილი და „რუსული პარტია“, ეს კი არ გვიკვირს, არამედ ვართ გაბრაზებული. ძალიან გაბრაზებულები, რადგან არ გაუფრთხილდე გელათს ნიშნავს - არ გაუფრთხილდეს საქართველოს კულტურულ მემკვიდრეობას, ჩვენს ქვეყანას. ამ მდგომარეობაში იყოს ქუთაისი ნიშნავს - ამ მდგომარეობაში გყავდეს მთელი საქართველო.

ამასობაში, ბიძინა ივანიშვილი და „რუსული პარტია“ მუდმივად ტყუილზე აგებს თავის პროპაგანდას და რეალურად „ნაციონალური მოძრაობა“ არის ყველაზე ეროვნული პარტია საქართველოში. „ნაციონალური მოძრაობის“ დროს, მიხეილ სააკაშვილის ხელმძღვანელობით, ასობით ეკლესია-მონასტერი და კულტურული მემკვიდრეობა აღდგა. დიახ, ასობით მილიონი ლარი დაიხარჯა ჩვენი კულტურული მემკვიდრეობის აღდგენაში. დიახ, მათ შორის ბაგრატის აღდგენა ნიშნავს ჩვენი იდენტობის აღდგენას. წარმოუდგენელია, ის, რითაც საქართველო არის მსოფლიო რუკაზე, თეა წულუკიანის, ღარიბაშვილის, კობახიძის ხელით ინგრეოდეს და ამას აკეთებენ გელათში. ქუთაისი არის მთავარი ქალაქი საქართველოში და არ არსებობს ოჯახი, რომ ემიგრაციაში გაქცეული არ იყოს ერთი ოჯახის წევრი და უკვე ათეულობით წლებია ერთმანეთს ელაპარაკებიან მხოლოდ „ონლაინ“, ბავშვები იზრდებიან მშობლები ესაუბრებიან მხოლოდ „სკაიპით“, სხვადასხვა ელექტრონული საშუალებებით და ბიძინა ივანიშვილი ამაზე რას გვეუბნება? კარგით ახლა, თუ არ იქნებიან ქართველები, იქნებიან რუსები და ამას უკვე სიტყვით აღარ ამბობს, უკვე ასი ათასობით რუსი ჩამოასახლა, ათი ათასობით რუსმა უკვე დაირეგისტრირა ქონება, თან როგორმა რუსებმა? სასაცილოდ არ ჰყოფნით ჩვენი ქვეყნის ტერიტორიული მთლიანობა, სასაცილოდ არ ჰყოფნით, რომ კანონი ოკუპაციის შესახებ მათ აქვთ დარღვეული და ეს ხალხი დღეს საქართველოში უძრავ ქონებას ყიდულობს, პარალელურად ქართველი ხალხი გარბის. რუსმა ღარიბაშვილმა გამოგვიცხადა, რომ რუსების გარდა ჩვენ კიდევ ჩამოვიყვანთ ჩინელებს, ე.ი, ბიძინა ივანიშვილის მთავარი ოცნება არის საქართველო ქართველების გარეშე და ყველამ ერთად ვუთხრათ საქართველოს, ევროკავშირის დროშის აღმართვით არ შევეგუებით, არც დავნებდებით და ბრძოლა აუცილებლად იქნება გამარჯვებამდე.

არ შემიძლია არ ვთქვა, ბიძინა ივანიშვილმა ნათლია მირონი არისო ჩემი ფარცხალაძეო, ეს კაცი „ეფესბეს“ აგენტიაო აშშ-მ, ანუ ყველაზე დიდი აგენტი საქართველოში, რუსული ინტერესების გამტარებელი არის ბიძინა ივანიშვილი და ეს მთელმა ცივილიზებულმა სამყარომ იცის კარგად. ყველა კარგად ხედავს, ყველა არის თქვენ გვერდით, ქართველი ხალხის გვერდით და მთავარი გასაკეთებელი არის ჩვენი - ჩვენ აუცილებლად ყველამ ერთად უნდა მოვაშოროთ ბიძინა ივანიშვილი და „რუსული პარტია“ ჩვენს ქვეყანას“, - განაცხადა ლევან ხაბეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024