შალვა პაპუაშვილი -  თავად ევროკავშირმა ქართველ ხალხს უნდა დაანახოს, რომ ის დამაჯერებელია და სანდოა, ქართველი ხალხის ევროპული მისწრაფებების მხარდაჭერაში

რამდენიმე დღის წინ გამოქვეყნდა კვლევა, რომელიც თავად ევროკავშირმა ჩაატარა აღმოსავლეთ პარტნიორობის ქვეყნებში. მათ შორის, საქართველოში, რომელიც ეხება საზოგადოების კვლევას, დამოკიდებულება ევროკავშირის მიმართ, ევროკავშირის ინსტიტუტების ცოდნას და ა.შ, - ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

როგორც პარლამენტის თავმჯდომარემ აღნიშნა, სწორედ ეს კვლევაა ასახვა იმ იმედგაცრუებისა, რომელიც ქართველებს აქვთ ევროკავშირის მიმართ.

,,ერთ-ერთი მნიშვნელოვანი საკითხი იყო ის, რომ ამ კვლევამ აჩვენა, ევროკავშირის მიმართ დადებითი განწყობა საქართველოს მოსახლეობაში. ბოლო, ერთი წლის განმავლობაში, შემცირებულია 11 პროცენტით, ვფიქრობ, რომ სწორედ ეს არის ასახვა იმ იმედგაცრუებისა, რომელიც ჩვენს საზოგადოებას აქვს ევროკავშირის მიმართ. იმის გამო, რომ შარშან, ივნისში ჩვენ ვნახეთ, ჩვეულებრივი უსამართლო გადაწყვეტილება საქართველოსთან დაკავშირებით. შარშან, ივნისში, სინამდვილეში, სამ ქვეყანასთან დაკავშირებით, ევროკავშირმა მიიღო პოლიტიკური გადაწყვეტილება. უკრაინასთან მიიღო პოლიტიკური გადაწყვეტილება და მას, როგორც ომში მყოფ ქვეყანას, მიანიჭა კანდიდატის სტატუსი. მოლდოვას, როგორც ომის საზღვართან მყოფ ქვეყანას და ასევე, საქართველოსთან დაკავშირებითაც იყო პოლიტიკური გადაწყვეტილება. არცერთი ქვეყნის მიმართ ეს დამსახურებაზე მიღებული გადაწყვეტილება არ ყოფილა. ამიტომ ეს იყო მცდარი პოლიტიკური გადაწყვეტილება შარშან. ამან აჩვენა, რომ საქართველოს საზოგადოებაშიც ამან გამოიწვია იმედგაცრუება და ამიტომაც არის ევროკავშირის მიმართ დადებითი განწყობა შემცირებული 11 პროცენტით, რაც საგანგაშოა ამ მხრივ. მე იმედი მაქვს, რომ ევროკავშირი ამას გამოასწორებს. დღეს სასწორზე დგას თავად ევროკავშირის სანდოობა და დამაჯერებლობა ამ გადაწყვეტილებით. თავად ევროკავშირმა, ქართველ ხალხს უნდა დაანახოს, რომ ის დამაჯერებელია და სანდოა, ქართველი ხალხის ევროპული მისწრაფებების მხარდაჭერაში”, - განაცხადა პარლამენტის თავმჯდომარემ საზოგადოებრივი მაუწყებლის ეთერში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?