სტიქიის შედეგად დაზარალებული ყვარლის მუნიციპალიტეტის მოსახლეობა დახმარებას ითხოვს

ყვარლის მუნიციპალიტეტში, სტიქიის შედეგად დაზარალებული მოსახლეობა დახმარებას ითხოვს. ღამით მოსულმა სტიქიამ ყვარლის მუნიციპალიტეტის 10-მდე სოფელი მნიშვნელოვნად დააზარალა.

ადგილობრივების თქმით, დაახლოებით ნახევარსაათიანმა სეტყვამ გაანადგურა როგორც ერთწლიანი, ისე მრავალწლიანი ნარგავები, მათ შორის ვენახების ნაწილი.

ძლიერმა სეტყვამ საცხოვრებელი სახლების სახურავები და ავტომობილებიც დააზიანა.

ადგილობრივები ზარალს ითვლიან და დახმარებას ითხოვენ.

„სათქმელი არაფერია. ერთი შეხედვითაც ჩანს, რომ გავნადგურდით. სეტყვის კვალი ამ დრომდეა. ხეებს ქერქიც კი გააცალა. დასაკრეფად გამზადებული ყურძენი ისე გაანადგურა, არაფერი აღარ დარჩა. რა უნდა ვქნათ, არ ვიცი“, - აცხადებს ერთ-ერთი დაზარალებული.

გარდა ამისა, მოსახლეობის ნაწილი ამ დრომდე ელექტროენერგიის გარეშეა დარჩენილი.

უამინდობით გამოწვეული პრობლემების მოსაგვარებლად მთელი ღამის განმავლობაში სტიქიის ზონაში ადგილობრივი ხელისუფლების წარმომადგენლები და შესაბამისი სამსახურები იყვნენ მობილიზებული.

ზარალის დათვლა დაწყებულია. სტიქიის ზონაში ელოდებიან კახეთის სახელმწიფო რწმუნებულს.

გილიომ მერსიე - ევროკავშირში გაწევრიანების გზაზე დაბრუნება საქართველოს ხელისუფლების ხელშია - ევროკავშირი მზადაა განაახლოს ურთიერთობა
ქართული პრესის მიმოხილვა 10.02.2025
ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა