წალენჯიხის სოფელ ჭალეში შეიარაღებულმა პირებმა ოჯახი დააყაჩაღეს

წალენჯიხის მუნიციპალიტეტის სოფელ ჭალეში ერთ-ერთი ოჯახი დააყაჩაღეს.

არსებული ინფორმაციით, ხასიების საცხოვრებელ სახლში ავტომატებით შეიარაღებული, ნიღბიანი პირები შეიჭრნენ. წაღებულია 250 ლარი. დაზარალებულის მეზობლების თქმით, თავდამსხმელები, სავარაუდოდ, თხილის გაყიდვის შედეგად მიღებულ ფულს ითხოვდნენ.

არსებული ინფორმაციით, მას შემდეგ რაც ისინი დარწმუნდნენ, რომ ოჯახში დიდი თანხა არ ინახებოდა, სახლის მეპატრონეს ფიზიკური დაზიანება მიაყენეს და მიიმალნენ.

შინაგან საქმეთა სამინისტროს ინფორმაციით, მომხდარზე გამოძიება სსკ-ის 179-ე მუხლით მიმდინარეობს, რაც ყაჩაღობას გულისხმობს.

შეგახსენებთ, რომ მსგავს შემთხვევა 17 სექტემბერს წალენჯიხის მუნიციპალიტეტის სოფელ მედანშიც მოხდა. გვიან ღამით ხუთი შეიარაღებული პირი ერთ-ერთი მცხოვრების სახლში შეიჭრა და დააყაჩაღა, სახლის პატრონს კი ფიზიკურად გაუსწორდა.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა