რეზო ხარაზი - ქვეყანაში მძიმე სოციალური ფონისა და კორუფციის გამო, ოჯახებთან ერთად ემიგრაციაში 5000 ბავშვია წასული

„ერთიანი ნაციონალური მოძრაობის“ აჭარის ორგანიზაციის წევრი რეზო ხარაზი აცხადებს, რომ ქვეყანაში მძიმე სოციალური ფონისა და კორუფციის გამო, ოჯახებთან ერთად 5000 ბავშვი ემიგრაციაში წავიდა. როგორც მან პარტიის ოფისში გამართულ ბრიფინგზე განაცხადა, კორუფციის გამო, ბათუმი დაპაუზებულია და ბიუჯეტიდან თანხები იფლანგება.

„ქვეყნიდან ადამიანები ოჯახებთან ერთად ემიგრაციაში გარბიან. სოციალური შემწეობა ერთადერთი შემოსავლის წყაროდ იქცა. ოლიგარქის ხელისუფლება კვლავ აგრძელებს მოქალაქეების ფულის მითვისებას, საზოგადოებამ კარგად იცის, რომ ეს ხელისუფლება კორუმპირებულია. პასუხს ვაგებინებთ ყველა მაღალჩინოსანს, რომელმაც 5 000 ბავშვი ამ ქვეყნიდან საზღვარგარეთ ემიგრაციაში გაუშვა. პასუხს ვაგებიებთ კანონის ფარგლებში იმ ადამიანებს, რომლებიც ყოველდღიურად დაპაუზებულ ბათუმს გვაჩვენებს.

ვნახეთ, 2003 წელს, „ვარდების რევოლუციით“ და მიხეილ სააკაშვილის ხელმძღვანელობით, დაპაუზებულ კორუფციაში ჩაფლული ქვეყანა წუმპიდან ამოვიდა და ყველაზე განვითარებული ქვეყანა გახდა, ჩვენ დავამარცხეთ კორუფცია. “ერთიანი ნაციონალური მოძრაობა” არ ვაპირებთ შევეგუოთ კორუფციას, ვაპირებთ ბრძოლას. ბოლომდე ვიბრძოლებთ, რომ ბიუჯეტი დაუბრუნოთ ხალხს“, - განაცხადა რეზო ხარაზმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი