ირაკლი ქადაგიშვილი - ბიზნესი რუსეთში ძალიან ბევრ ქართველს აქვს და ყველას დავერიოთ?! - როცა საუბარია, რომ ფარცხალაძე „ზეგავლენას ახდენდა პოლიტიკასა და საზოგადოებრივ ცხოვრებაზე“, ფაქტი ან  საბუთი უნდა იყოს, რომ დავიჯერო

ბიზნესი რუსეთში ძალიან ბევრ ქართველს აქვს და ყველას დავერიოთ?! - როცა საუბარია, რომ „ზეგავლენას ახდენდა პოლიტიკასა და საზოგადოებრივ ცხოვრებაზე“, ფაქტი ან მამტკიცებელი საბუთი უნდა იყოს ამის, რომ დავიჯერო, - ამის შესახებ საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა საქართველოს ყოფილი გენერალური პროკურორის, ოთარ ფარცხალაძის დასანქცირებასთან დაკავშირებით განაცხადა.

მისივე თქმით, როცა ფაქტები და არგუმენტები არ მოუსმენიათ, კითხვები ჩნდება შემთხვევითობასთან დაკავშირებით.

„ფარცხალაძეს 10 წელზე მეტია არანაირი შეხება არ ჰქონია არც პოლიტიკურ და არც საჯარო სივრცესთან, არც ტელევიზია აქვს, არც არასამთავრობო ორგანიზაციას აფინანსებს, არც პოლიტიკური პარტია აქვს და მისი ერთი საჯარო განცხადებაც, მგონი, დედამიწის ზურგზე არავის მოუსმენია. ბიზნესი რუსეთში ძალიან ბევრ ქართველს აქვს და ამიტომ ახლა დავერიოთ ყველა ქართველს?! როცა საუბარია, რომ ის ზეგავლენას ახდენდა, რაღაც ფაქტი ან მამტკიცებელი საბუთი უნდა იყოს, რომ დავიჯერო. აქედან გამომდინარე მეტი არგუმენტები გვაინტერესებს, სუს-მა ამიტომაც განაცხადა, რომ მოკვლევას ჩაატარებს, რომ მეტი კონკრეტიკა იყოს ამასთან დაკავშირებით.

შემთხვევითობის კითხვა ჩნდება, როცა არ მოჰყვება გადაწყვეტილებას კონკრეტული არგუმენტირებული ინფორმაცია, ეს შემთხვევითობის სინდრომი ჩნდება. იგივე იმ მოსამართლეებთან დაკავშირებით, არ ითქვა რა გადაცდომა ჰქონდათ, რა ჩაიდინეს ისეთი, რომ ამერიკაში შესვლაზე შეზღუდვა დაუწესდათ,“ - განაცხადა ქადაგიშვილმა.

ცნობისთვის, აშშ-მა საქართველოს ყოფილ გენერალურ პროკურორს ოთარ-ფარცხალაძეს სანქციები დაუწესა. აშშ-ის სახაზინო დეპარტამენტის უცხოური აქტივების კონტროლის ოფისის ინფორმაციით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდა, რომელთა შორისაა ოთარ ფარცხალაძე. აშშ-ის სახელმწიფო დეპარტამენტი ოთარ ფარცხალაძეს ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური (“ეფესბე”) მუშაობდა, რათა რუსეთის სასარგებლოდ ქართულ საზოგადოებასა და პოლიტიკაზე გავლენა მოეხდინა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი