ბოლნისში იურიდიული დახმარების სამსახურის საკონსულტაციო ცენტრი გაიხსნა

14 სექტემბერს, ბოლნისში, სულხან-საბა ორბელიანის ქ.106 -ში, იურიდიული დახმარების სამსახურის რიგით 43-ე საკონსულტაციო ცენტრი გაიხსნა.

იურიდიული დახმარების სამსახურის ცნობით, ამიერიდან, ბოლნისის მოსახლეობისთვის უფასო სამართლებრივი დახმარება კიდევ უფრო ხელმისაწვდომი გახდება.

„შესაძლებელია კონსულტაციის მიღება. ცენტრის იურისტ-კონსულტანტი სამართლებრივ რჩევებს გასცემს სხვადასხვა საკითხზე. მათ შორის: სოციალურად დაუცველთა უფლებები, საბანკო ურთიერთობები, მიწის და უძრავი ქონების რეგისტრაცია, მემკვიდრეობა, შრომითი დავები, ქალთა მიმართ და ოჯახში ძალადობა, მხარდამჭერად დანიშვნის საკითხები და სხვა აქტუალური პრობლემები. გახსნის ცერემონიაზე ლენტი გაჭრეს იურიდიული დახმარების სამსახურის დირექტორმა დავით სიმონიამ და ბოლნისის მუნიციპალიტეტის მერის მოადგილემ ვალენტინა ნავერიანმა.

შემდეგ გაიმართა შეხვედრა ბოლნისის მუნიციპალიტეტის მერიის, საკრებულოს, მუნიციპალიტეტში შემავალი სოფლების წარმომადგენლებთან, სოციალური სამსახურების თანამშრომლებთან. იურიდიული დახმარების სამსახურის დირექტორმა დავით სიმონიამ წარმოადგინა პრეზენტაცია უფასო სამართლებრივი დახმარების სისტემის, იურიდიული დახმარების სამსახურის სერვისების, დახმარების მიღების კრიტერიუმების, სამსახურის მუშაობის სპეციფიკის შესახებ და დაწვრილებით ახსნა, თუ რა სახის მომსახურების მიღება იქნება შესაძლებელი საკონსულტაციო ცენტრში. დარიგდა საინფორმაციო ბროშურები, სადაც მითითებულია საკონტაქტო ინფორმაცია იურიდიული დახმარების სამსახურის შესახებ და აღწერილია, თუ ვის და რა სახის სამართლებრივი დახმარების მიღება შეუძლია“,- აღნიშნულია ინფორმაციაში.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
წინანდლის მამული Grand Jury Du Vin-ის ღვინის სიმპოზიუმს უმასპინძლებს
ვანო ჩხარტიშვილი - მამუკა ხაზარაძისა  და ბადრი ჯაფარიძის მიმართ, რომლებიც „ლელოს“  უნიჭო კამპანიის უკან დგანან, ჩვენი მხრიდან სამართლებრივი რეაგირება იქნება
„დანკინის“ ბარისტათა საერთაშორისო კონკურსზე საუკეთესო ყავის მომზადებისთვის ქართველი ბარისტა დააჯილდოვეს
კომპანია „ავერსი“ ფარმაცევტებს პროფესიულ დღეს ელოცავს