გიორგი ბოტკოველი „ქართულ ოცნებას“ - როგორც კი კორუფციისგან გამთბარ თქვენს სკამებს საფრთხე მიადგება, გადატრიალების დაანონსებას იწყებთ - გადატრიალება არის ის, რასაც თქვენ ჩადიხართ საქართველოს წინაშე

გადატრიალება იცით რას ნიშნავს? გადატრიალება არის ის, რასაც თქვენ ჩადიხართ საქართველოს წინაშე, - ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა პარლამენტის პლენარულ სხდომაზე განაცხადა, რითაც „ქართულ ოცნებას“ მიმართა.

მისი თქმით, ქართველი ხალხი ნამდვილად გააკეთებს შეფასებებს და გაანალიზებს ყველაფერს იმასას, რასაც ხელისუფლება ქართული სახელმწიფოს წინაშე ჩადის.

„როგორც კი კორუფციისგან გამთბარ თქვენს სკამებს საფრთხე მიადგება, არეულობის და გადატრიალების დაანონსებასიწყებთ. გადატრიალება იცით რას ნიშნავს? გადატრიალება არის ის, რასაც თქვენ ჩადიხართ სახელმწიფოს, საქართველოს წინაშე. ქვეყნის კურსის ცვლილებით და რუსეთთან მიკედლებით ხართ დაკავებულები, სწორედ ეს არის გადატრიალება, სხვა არაფერი. რუსეთის ინტერესების სასარგებლოდ ებრძვით ქართველ ცოცხალ გმირებს. მიხეილ ბატურინი ახსენეთ, ადამიანი, რომელიც მძიმედ იყო დაჭრილი, ძლივს გადაურჩა სიკვდილს და მას გადატრიალებას აბრალებთ.

გია ლორთქიფანიძეს, რომელიც ნამდვილად ჩვენი სახელმწიფოს ცოცხალი გმირია და ასევე, ცოცხალი გმირი უკრაინის სახელმწიფოში, ებრძვის რუსეთს, გადამტრიალებელს უწოდებთ, ასევე მამუკა მამულაშვილს. ესენი არიან ადამიანები, რომლებიც იცავენ საქართველოს ინტერესებს რუსეთის წინააღმდეგ ბრძოლაში. ეს არის თქვენი ინტერესები, მეტი არაფერი არ არის. სამი დღე ფარცხალაძის დასანქცირების შემდეგ ხმას ვერავინ გაღებინებდათ და კომენტარს ვერ გაკეთებინებინებდენ ფარცხალაძეზე. სამი დღის მერე დაიწყეთ უკვე დაცვა. რა თქმა უნდა, დაგაცვევინებთ ივანიშვილი. დაგავალებთ ფარცხალაძის დაცვას იმიტომ, რომ ფარცხალაძე იყო, ვინც თქვენი სანუკვარი ოცნება აახდინა და ბრალი წაუყენა მიხეილ სააკაშვილს, ბრალი წაუყენა ყველა იმ ადამიანებს, ვინც ამ ქვეყნის სახელმწიფოებრიობა შექმნეს. ეს არის თქვენი ინტერესები და მეტი არაფერი,“-განაცხადა ბოტკოველმა.

როგორც მან აღნიშნა, ამ ყველაფრით ხელისუფლება ცდილობს გადაფაროს ის პრობლემები, რომელიც ქვეყანაშია.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი