პარლამენტი კენჭისყრის გზით „დეოლიგარქიზაციის შესახებ“ კანონის პროექტს „ჩააგდებს“

პარლამენტი კენჭისყრის გზით „დეოლიგარქიზაციის შესახებ“ კანონის პროექტს „ჩააგდებს“.

იურიდიულ საკითხთა კომიტეტის თავმჯდომარემ ანრი ოხანაშვილმა კანონის პროექტი პლენარულ სხდომაზე მესამე მოსმენით წარადგინა, თუმცა როგორც აღნიშნა, განხილვა ფორმალური იყო და კოლეგებს მიმართა, რომ პროექტს კენჭისყრაზე მხარი არ დაუჭირონ.

„დეოლიგარქიზაციის საკითხის კანონის გზით მოწესრიგება ჩვენი „ნოუ ჰაუ“ არ ყოფილა. ევროკავშირის სტრუქტურებმა უკრაინაში საკითხის კანონის გზით დარეგულირება მოიწონა და ჩვენ სწორედ ევროკავშირის მოწონებულ მიდგომას გავყევით, მაგრამ რადგან არის ევროკომისიის შემოთავაზება, რომ საკითხი კანონის გზით არ მოწესრიგდეს და სამოქმედო გეგმით დარეგულირდეს, გთავაზობთ, რომ პროექტს კენჭისყრის დროს მხარი არ დაუჭიროთ“, - მიმართა პარლამენტს ანრი ოხანაშვილმა.

ამავე თემაზე 18 სექტემბერს განცხადება „ქართული ოცნების“ თავმჯდომარემ ირაკლი კობახიძემ გააკეთა. როგორც კობახიძემ განმარტა, მთავრობის სამოქმედო გეგმის მოწონების პირობებში, პარლამენტის მიერ ორი მოსმენით მიღებულმა „დეოლიგარქიზაციის შესახებ“ კანონმა პრაქტიკული აქტუალობა დაკარგა.

„აქედან გამომდინარე, ასევე ევროკომისიის რეკომენდაციის შესაბამისად, პარლამენტი მესამე მოსმენით განიხილავს და არ მიიღებს აღნიშნულ კანონპროექტს, რომელიც ე.წ. პერსონალიზებულ მიდგომას ეფუძნებოდა“, - განაცხადა ირაკლი კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024