იაგო ხვიჩია - თურნავას ბრძანება ხალხისთვის, მათ შორის ოპოზიციისთვის, გამოფხიზლების იდეალური საშუალებაა - მეტი რა ქნან „ქოცებმა“, რით დაგვეხმარონ?

თურნავას ბრძანება ხალხისთვის, მათ შორის ოპოზიციისთვის, გამოფხიზლების იდეალური საშუალებაა. მეტი რა ქნან „ქოცებმა“, რით დაგვეხმარონ? - თუ გვინდა აქციებით რაიმე შეიცვალოს ამ ქვეყანაში, ოპოზიცია უნდა დაჯდეს და მოიფიქროს, რა გვინდა შეიცვალოს, - ამის შესახებ „გირჩის“ დეპუტატმა იაგო ხვიჩიამ განაცხადა.

მისი თქმით, სებ-ის გადაწყვეტილება ნიშნავს, რომ „ქართული ოცნების“ და ეროვნული ბანკის აზრით, სანქციები უნდა აღსრულდეს თუ არა, ეს უნდა განიხილოს სანქცირებულმა მურუსიძემ და ჩინჩალაძემ.

„ეროვნული ბანკის ეს გადაწყვეტილება ნიშნავს, რომ „ოცნება“ თავს იზღვევს, რომ მათი ლიდერების დასანქცირების შემთხვევაში გადაწყვეტილება არ აღსრულდეს და ნაცვლად იმისა, პარტნიორების სანქციები შესრულდეს, ის ჯერ განიხილოს სანქცირებულმა მურუსიძემ და ჩინჩალაძემ ანუ წარმოიდგინეთ, „ქართული ოცნების“ და ეროვნული ბანკის აზრით, სანქციები უნდა აღსრულდეს თუ არა, ეს უნდა განიხილოს სანქცირებულმა მურუსიძემ და ჩინჩალაძემ. „ქართული ოცნება“ ელოდება, რომ სხვებსაც დაასანქცირებენ და გუნდის შიგნით ბზარის არგაჩენის მიზნით, ერთმანეთს ამშვიდებენ - აგერ, გვყავს სანქცირებული მოსამართლე, რომელიც სანქციებს არ აღასრულებს.

მე ზოგადად, ოპტიმისტი ადამიანი ვარ და ასეთ საკითხებს ოპტიმიზმით ვუყურებ. ეს ყველაზე მეტად ეხმარება ქართველ ხალხს აზრზე მოსვლაში, იმ ხალხს, რომელმაც ჯერაც არ იცოდა, რა ქვეყანაში ვცხოვრობდით და საით მივდიოდით, ამ ხალხისთვის გამოფხიზლების იდეალური საშუალებაა, მეტი რა ქნან „ქოცებმა“, რით დაგვეხმარონ სხვა ოპოზიციასაც მათ შორის, რომელსაც ასევე სჭირდება გამოფხიზლება და რამეზე ლაპარაკის დაწყება?!“ - განაცხადა ხვიჩიამ.

ამასთან, იაგო ხვიჩია აქციების თაობაზე „ლელოს“ ინიციატივასაც გამოეხმაურა და აღნიშნა, რომ ამას შედეგი არ მოაქვს, თუმცა არა იმიტომ, რომ აქციას „ქართული ოცნება“ არ იმსახურებს, არამედ იმის გამო, რომ არ იცი ხალხი აქციაზე რის გამო მიგყავს და ეს მოთხოვნა არ გაქვს ფორმირებული.

„არ იცი, რა გინდა. თუ გვინდა აქციებით რაიმე შეიცვალოს ამ ქვეყანაში, ოპოზიცია უნდა დაჯდეს და მოიფიქროს, რა გვინდა შეიცვალოს“, - განაცხადა ხვიჩიამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი