ირაკლი კობახიძე სებ-ის ვიცე-პრეზიდენტების გადადგომაზე - მე რომ ვყოფილიყავი, საკუთარი ინსტიტუტისა და სახელმწიფოს მიმართ ცოტა განსხვავებული პასუხისმგებლობა მექნებოდა

„ქართული ოცნების“ თავმჯდომარის, ირაკლი კობახიძის განცხადებით, ეროვნული ბანკის ორი ვიცე-პრეზიდენტის - არჩილ მესტვირიშვილისა და პაპუნა ლეჟავას მიერ თანამდებობის დატოვების გადაწყვეტილება მათი პერსონალური არჩევანი და პასუხისმგებლობაა.

ამის შესახებ მან ჟურნალისტებს განუცხადა.

„რაც შეეხება ამ ორი ადამიანის გადაწყვეტილებას, ეს არის მათი პერსონალური არჩევანიც და პასუხისმგებლობაც. მე იქ რომ ვყოფილიყავი, რა თქმა უნდა, საკუთარი ინსტიტუტისა და სახელმწიფოს მიმართ ცოტა განსხვავებული პასუხისმგებლობა მექნებოდა. ის ნორმები, რომელიც კონსტიტუციაში ამ საკითხს ეხება, უდანაშაულობის პრეზუმფცია, საკუთრების უფლება, კონსტიტუციაში ჩადებულია 1995 წლიდან, იმიტომ, რომ ეფუძნება უზენაეს პრინციპებს. წესით, არამხოლოდ ნათია თურნავამ, იქ სხვა ვიცე - პრეზიდენტებმა, ყველა ადამიანმა, უნდა იცოდეს, არაიურისტმაც კი ეს ფუძემდებლური პრინციპები“, - განაცხადა კობახიძემ.

ცნობისთვის, არჩილ მესტვირიშვილმა და პაპუნა ლეჟავამ საქართველოს ეროვნული ბანკის ვიცე-პრეზიდენტების თანამდებობა დატოვეს. არჩილ მესტვირიშვილმა საკუთარი გადაწყვეტილების შესახებ სოციალურ ქსელში დაწერა, ხოლო პაპუნა ლეჟავას გადადგომის შესახებ ინფორმაცია ჟურნალისტებს ეროვნული ბანკის პრეზიდენტის მოვალეობის შემსრულებელმა ნათია თურნავამ დაუდასტურა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი