მამუკა მდინარაძე - ვნახეთ პრეზიდენტის მცდელობა, დააბულინგოს ნათია თურნავა - იმ ადამიანებში, ვისი არჩეულიც არის ზურაბიშვილი, ერთეული აღარ მოიძებნება, ვისაც ის მოსწონს, მაშინ თავად უნდა გადადგეს

ჩვენ ვნახეთ კლასიკური მაგალითი დამოუკიდებელ ინსტიტუტზე ზეწოლისა და ზურაბიშვილის მცდელობა, დააბულინგოს თურნავა, - ასე ეხმიანება პრეზიდენტ სალომე ზურაბიშვილის ბრიფინგს საპარლამენტო ფრაქცია „ქართული ოცნების“ თავმჯდომარე მამუკა მდინარაძე.

მდინარაძე აცხადებს, რომ პრეზიდენტი თურნავაზე "ფსიქოლოგიურ ზეგავლენას" ცდილობს.

"ჩვენ ვნახეთ კლასიკური მაგალითი დამოუკიდებელ ინსტიტუტზე ზეწოლის და მცდელობა იმისა, რომ დააბულინგოს პრეზიდენტმა ეროვნული ბანკის პრეზიდენტობის მოვალეობის შემსრულებელი. საუბრობს რაღაც სპეკულაციებზე არარსებულზე, ცდილობს, ფსიქოლოგიურ ზეგავლენას, თან არგუმენტია, ჩემი წარდგენილია და ამიტომ უნდა გადადგესო. ვისი არჩეულიც არის ზურაბიშვილი, იმ ადამიანებში, ალბათ, ერთეული აღარ მოიძებნება, ვისაც მოსწონს ის და მისი ქმედებები, მაშინ თავად უნდა გადადგეს. აღარ არსებობენ ადამიანები, რომლებმაც მხარი დაუჭირეს "ქართული ოცნების" ხათრით და მისი ნდობით და ეს ნდობა მან ვერ გაამართლა", - განაცხადა მდინარაძემ.

მისივე თქმით, მას შემდეგ, რაც იუსტიციის სამინისტრო ფარცხალაძის მოქალაქეობის თაობაზე დასკვნას პრეზიდენტს წარუდგენს, თუკი ფარცხალაძე მოქალაქეობას დაკარგავს ეს ნიშნავს, რომ ეროვნული ბანკის გადაწყვეტილება მასზე აღარ გავრცელდება და ძალით ჭმუნვებიც მოიხსნება, თუმცა ყველას ეცოდინება, "საქართველოს მოქალაქეს რაც არ უნდა სანქცია დაადონ მტკიცებულებების გარეშე", თუ ეროვნული სასამართლო დანაშაულს არ დაადასტურებს, სანქცია საქართველოს მოქალაქეზე არ გავრცელდება.

"ამასობაში ერთი ძალიან კარგი რამ მოხდა, ოთარ ფარცხალაძეს ეს ვეღარ შეეხება, სამაგიეროდ ყველას ეცოდინება, რომ საქართველოს მოქალაქეს რაც არ უნდა სანქცია მტკიცებულებების გარეშე დაადონ, თუ მის მიმართ ეროვნული სასამართლოს მიერ განაჩენი არ იქნება გამოტანილი და არ იქნება დადასტურებული რაიმე სახის დანაშაული, ვერ გავრცელდება ვერანაირი სანქცია.

ამ ხელოვნურმა აჟიოტაჟმა ის უზრუნველყო, რომ საქართველოს მოქალაქეები დაცულები იქნებიან მტკიცებულებების გარეშე სანქციებისგან, ვისგანაც არ უნდა იყოს მეგობრისგან თუ არამეგობრისგან, საქართველოს ყველა მოქალაქეს დაიცავს ეს გადაწყვეტილება, პრეცედენტი შედგა და ამიერიდან ვერავინ დაასანქცირებს ქვეყნის შიგნით ადამიანებს, რომლის მიმართაც წარმოდგენილი არ იქნება მტკიცებულებები", - განაცხადა მდინარაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024