ეროვნული ბანკის საბჭოში პრეზიდენტის მიერ წარდგენილ კანდიდატებს პარლამენტი კენჭს უყრის

პარლამენტის პლენარული სხდომის დღის წესრიგში ეროვნული ბანკის საბჭოში ნანა ყეინიშვილისა და თეიმურაზ ხომერიკის არჩევის საკითხი ასახულია. სწორედ ამ თემაზე პლენარული სხდომის დაწყებამდე რამდენიმე ხნით ადრე საპარლამენტო უმრავლესობის წევრები შეიკრიბნენ.

მათი განცხადებით, პლენარულ სხდომაზე, კენჭისყრისას გახდება ცნობილი, აირჩევენ თუ არა საბჭოში პრეზიდენტის მიერ წარდგენილ კანდიდატურებს.

აღსანიშნავია, რომ ამჟამად ეროვნული ბანკის საბჭოში 9 წევრის ნაცვლად, მხოლოდ 7 წევრია. მათგან სამმა - საბჭოს ვიცე-პრეზიდენტებმა საბჭოდან წასვლის გადაწყვეტილება მიიღეს. პაპუნა ლეჟავას, არჩილ მესტვირიშვილისა და ნიკოლოზ გაგუას გადადგომაზე ინფორმაცია ბიურომ ცნობად დღევანდელ სხდომაზე მიიღო. კანონის გათვალისწინებით, ისინი საბჭოს წევრობას ორ თვეში - 21 ნოემბრიდან დატოვებენ. საბჭოს კიდევ ერთ წევრს დეკემბერში უფლებამოსილების ვადა ეწურება.

თავად პრეზიდენტი, მის მიერ წარდგენილი კანდიდატურების პარლამენტიდან უკან გამოწვევას გეგმავდა, თუმცა უმრავლესობის წევრების განცხადებით, სალომე ზურაბიშვილს ამის უფლება არ აქვს.

აღსანიშნავია ისიც, რომ პარლამენტის საფინანსო-საბიუჯეტო და დარგობრივი პოლიტიკის კომიტეტებმა გაერთიანებულ სხდომაზე პრეზიდენტის მიერ ეროვნული ბანკის საბჭოს წევრობის ვაკანტურ თანამდებობაზე წარდგენილი ნანა ყეინიშვილისა და თეიმურაზ ხომერიკის კანდიდატურები მათ დაუსწრებლად განიხილეს, თუმცა მხარი არ დაუჭირეს. კომიტეტების უარყოფითი დასკვნის მიუხედავად, საკითხი კენჭისყრაზე დადგება და კანდიდატურებს კენჭი ეყრება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024