ანა ბუჩუკური - ყველამ ჩვენს ხელთ არსებული ყველა ბერკეტით მოვითხოვოთ, გაუქმდეს ნათელა თურნავას რუსული ბრძანება! - ამ რუსული ბრძანების მიზანია 20-25 ადამიანის დაცვა

ივანიშვილის დადგმული სპექტაკლის ერთადერთი მიზანია თავად ივანიშვილის და მისი თანამზრახველებისთვის საერთაშორისო სანქციებისგან იმუნიტეტის შექმნა კორუფციით ნაშოვნი ფულის გადასარჩენად, საქართველოს მოქალაქეებისა და ჩვენი ქვეყნის მომავლის ხარჯზე!- ამის შესახებ ჟურნალისტებთან პარტია „საქართველოსთვის“ წევრების მიერ პარლამენტში გამართულ ბრიფინგზე ანა ბუჩუკურმა განაცხადა.

მისი თქმით, დღეს მთავარი მოთხოვნა თურნავას ბრძანების გაუქმება უნდა იყოს.

„საქართველოს მოქალაქეები ბოლო 2 დღის განმავლობაში ბიძინა ივანიშვილის მიერ დადგმული სპექტაკლის მოწმენი გავხდით. ამ სპექტაკლის ერთადერთი მიზანია თავად ივანიშვილის და მისი თანამზრახველებისთვის საერთაშორისო სანქციებისგან იმუნიტეტის შექმნა კორუფციით ნაშოვნი ფულის გადასარჩენად, საქართველოს მოქალაქეებისა და ჩვენი ქვეყნის მომავლის ხარჯზე!

რუსეთის „ეფესბეს“ აგენტის, დასანქცირებული ოთარ ფარცხალაძისთვის საქართველოს მოქალაქეობის შეწყვეტა თავად ფარცხალაძისა და „ოცნებისთვის“ იდეალური გამოსავალია - ამ გადაწყვეტილებით ოთარ ფარცხალაძე გადის საქართველოს იურისდიქციიდან და პრაქტიკულად გამოირიცხება მის მიმართ საგამოძიებო, საპარლამენტო თუ სხვა რაიმე ტიპის სამართლებრივი რეაგირების მოხდენა.

რა არის დღეს რეალურად მთავარი?- ნათელა თურნავას ხელით გამოცემული რუსული ბრძანებით საქართველოს მოქალაქეზე საერთაშორისო ფინანსური სანქციების გავრცელება შეიზღუდა. უფრო მარტივად რომ ვთქვათ - მომავალში „ოცნების“ ბოსების დასანქცირების შემთხვევაში ფინანსური შეზღუდვები მათზე ვერ გავრცელდება. ამ რუსული ბრძანების მიზანია 20-25 ადამიანის დაცვა, შედეგად კი მძიმე ფასის გადახდა საქართველოს მოქალაქეებს უწევთ - რუსულმა ბრძანებამ უკვე გამოიწვია ქვეყნისთვის ათეულობით მილიონი ლარის ზიანი სავალუტო ბაზარზე რყევებით, ასევე გამოიწვია ლარის მნიშვნელოვანი გაუფასურება. მომავალში ჩვენი მოქალაქეებისთვის კიდევ უფრო მძიმე შედეგები დადგება - მათ სესხებზე გაიზრდება საპროცენტო განაკვეთები, ლარი კიდევ უფრო გაუფასურდება და ინფლაციის შედეგად ფასები კიდევ უფრო მეტად გაიზრდება. ამიტომაც მთავარი მოთხოვნა ნათელა თურნავას რუსული ბრძანების გაუქმება უნდა იყოს!

მოვუწოდებთ ყველას, ზოგი შეგნებულად, ზოგიც მისდა უნებურად, ნუ გახდებით ბიძინა ივანიშვილის სპექტაკლის მონაწილე და ყველამ ჩვენს ხელთ არსებული ყველა ბერკეტით მოვითხოვოთ, გაუქმდეს ნათელა თურნავას რუსული ბრძანება!

ჩვენი გუნდი საკონსტიტუციო სასამართლოში წარადგენს წერილობით მოსაზრებას ანუ გამოიყენებს ე.წ. სასამართლო მეგობრის ბერკეტს უკვე დაინიცირებულ საკონსტიტუციო სარჩელზე, რომელიც ნათელა თურნავას რუსული ბრძანების გაუქმებას ითხოვს,“ - განაცხადა ბუჩუკურმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024