ირაკლი კობახიძე - ოპოზიცია სისუსტის ფონზე ყველაფერზეა წამსვლელი, კაცი შეიძლება მოკლან, რომ ვითარების ადუღება სცადონ - რაც შეეხება გუშინდელ აქციას, 200 კაცზე მეტი ვერ მოატყუეს და ვერ გამოიყვანეს ქუჩაში

რაც უფრო სუსტია რადიკალური ოპოზიცია, მით უფრო მეტი რისკი არსებობს პროვოკაციების კუთხით - სისუსტის ფონზე არიან ყველაფერზე წამსვლელები, კაცი შეიძლება მოკლან იმისათვის, რომ რაღაცნაირად სცადონ ვითარების ადუღება, - ამის შესახებ „ქართული ოცნების“ თავმჯდომარემ, ირაკლი კობახიძემ საქართველოს ყოფილი პრეზიდენტის, მიხეილ სააკაშვილის განცხადების შეფასებისას განაცხადა, რომელიც ბიძინა ივანიშვილს მოლაპარაკების მრგვალ მაგიდასთან დაჯდომისკენ და ხელისუფლების მშვიდობიანი გადაბარებისკენ მოუწოდებს.

კობახიძის განმარტებითვე, „სააკაშვილის მოწოდებები მორიგი დასტურია იმისა, რომ მათ გონებაში რევოლუციური გეგმა იხარშება, რომელიც განწირულია“.

„სააკაშვილის მოწოდებები მორიგი დასტურია იმისა, რომ მათ გონებაში რევოლუციური გეგმა იხარშება, რომელიც განწირულია, ბუნებრივია, მაგრამ რაც უფრო სუსტია რადიკალური ოპოზიცია, მით უფრო მეტი რისკი არსებობს პროვოკაციების კუთხით. ისინი სისუსტის ფონზე არიან ყველაფერზე წამსვლელები, ნებისმიერ მძიმე [დანაშაულზე], კაცი შეიძლება მოკლან. ყოველგვარი გადაჭარბებების გარეშე, არ მოუკლავთ თუ რა? კაცი შეიძლება მოკლან იმისათვის, რომ რაღაცნაირად სცადონ აქ ვითარების ადუღება. არაფერი გამოუვათ, მაგრამ უნდა ვიყოთ ძალიან ფრთხილად“,- განაცხადა ირაკლი კობახიძემ.

გარდა ამისა, კობახიძემ გუშინ გამართულ აქციებთან დაკავშირებითაც ისაუბრა და აღნიშნა, რომ „ოპოზიციამ ათასი ტყუილის ფონზე, 200 კაცზე მეტი მაინც ვერ გამოიყვანა ქუჩაში“.

„გუშინ იმდენი ტყუილი უთხრეს საზოგადოებას, მთელი დღის განმავლობაში ატყუებდნენ, რომ დეპოზიტები გაეყინებოდათ, რაღაცა ბარათით ვეღარ გადაიხდიდნენ. ათასი სისულელე უთხრეს საზოგადოებას. ამდენი ტყუილის ფონზე, 200 კაცზე მეტი მაინც ვერ გამოიყვანა ქუჩაში. მათ ხომ შეუძლიათ საკუთარი მხარდამჭერები მაინც მოატყუონ. მათაც ვეღარ ატყუებენ. ამდენი ტყუილი უთხრეს, თან მძიმე შიშები უნდა შეექმნათ, ისეთ რაღაცებს ეუბნებოდნენ. 200 კაცზე მეტი ვერ მოატყუეს და ვერ გამოიყვანეს ქუჩაში. საზოგადოება ძალიან გამოცდილია უკვე და მათ შორის ასეთ ტყუილებსაც აღარ იღებს, ამ ყველაფერს ძალიან კარგად ხვდება. შესაბამისად, მორიგ ჯერზე ეს აქცია ჩავარდა“, - განაცხადა კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი