ბათუმის სახელმწიფო უნივერსიტეტში სამეცნიერო პიკნიკი „საზღვაო ქვეყნის ლურჯი პოლიტიკა“ გაიმართა

ბათუმის შოთა რუსთაველის სახელმწიფო უნივერსიტეტში, სამეცნიერო პიკნიკი „საზღვაო ქვეყნის ლურჯი პოლიტიკა“ გაიმართა.

ინფორმაციას ბათუმის შოთა რუსთაველის სახელმწიფო უნივერსიტეტი ავრცელებს.

უნივერსიტეტის ცნობითვე, ღონისძიებაზე, ბსუ-თან ერთად, სხვადასხვა უმაღლესი საგანმანათლებლო დაწესებულება, სამეცნიერო-კვლევითი ცენტრი და ორგანიზაცია მონაწილეობდა.

„ღია ცის ქვეშ, 30-ამდე კარავში წარმოდგენილი იყო შავი ზღვისა და რეგიონის კვლევების ამსახველი სხვადასხვა სახის სამეცნიერო პროექტის შედეგები, მოსწავლეებისათვის საინტერესო ექსპერიმენტები, სახალისო აქტივობები, ინტერაქციული გამოფენები და ვიქტორინები. „საზღვაო ქვეყნის ლურჯი პოლიტიკა“ მიზნად ისახავდა სამეცნიერო კვლევებისა და ინოვაციების პოპულარიზაციასა და მკვლევართა მიღწევების გაცნობას ფართო საზოგადოებისათვის.

სამეცნიერო პიკნიკის გახსნას დაესწრნენ ბსუ-ს რექტორი, მერაბ ხალვაში, აჭარის ა.რ. განათლების, კულტურისა და სპორტის მინისტრი, მაია ხაჯიშვილი, საქართველოს განათლებისა და მეცნიერების სამინისტროს მეცნიერების განვითარების დეპარტამენტის უფროსი, ქეთევან ქოქრაშვილი, საქართველოს განათლებისა და მეცნიერების სამინისტროს მეცნიერების განვითარების დეპარტამენტის უფროსის მოადგილე, ზაზა მარუაშვილი.

სამეცნიერო პიკნიკი, საქართველოს განათლებისა და მეცნიერების სამინისტროს, აჭარის ა.რ. განათლების, კულტურისა და სპორტის სამინისტროსა და ბათუმის შოთა რუსთაველის სახელმწიფო უნივერსიტეტის ორგანიზებით გაიმართა“,- აღნიშნულია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი