მოსახლეობამ, ბალდის კანიონზე მიმდინარე მშენებლობის შეჩერების მოთხოვნით, მარტვილის მერიასთან საპროტესტო აქცია გამართა

„მდინარე ეკუთვნის ხალხს“ „შეჩერდეს მშენებლობა“, „ოდაბადე არ იყიდება“, - ამ შინაარსის ტრასფარანტებით მარტვილში, მერიის ადმინისტრაციულ შენობასთან საპროტესტო აქცია გაიმართა.

ადგილობრივებმა, სასამართლოს ჩატარებამდე, ბალდის კანიონზე მიმდინარე მშენებლობის გადადება მოითხოვეს.

შეკრებილებმა ადგილობრივ ხელისუფლებას დაცული ტერიტორიების სააგენტოსთან საკითხთან დაკავშირებით შუამდგომლობა სთხოვეს. აქციის მონაწილეებს მერის მოადგილე ალექსანდრე ხურცილავა შეხვდა.

როგორც მერის მოადგილემ განაცხადა, მოსახლეობის თხოვნა, კანონის შესაბამისად, ვერ გაითვალისწინებენ.

მერიასთან შეკრებილებმა ავტომობილებით მსვლელობა მარტვილის ქუჩებსა და მიმდებარე სოფლებშიც მოაწყვეს. ისინი ფართომასშტაბიან აქციებს აანონსებენ.

შეგახსენებთ, რომ ბალდის კანიონზე კომპანია „კანიონ 350“ სხვადასხვა სამუშაოს ახორციელებს. როგორც ცნობილია, ბალდის კანიონი აუქციონის წესით, 20 - წლიანი საკუთრების უფლებითა და გარკვეული ვალდებულებებით ამ კომპანიას გადაეცა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი