გიორგი ტყემალაძე - ოპოზიციის მხრიდან მიზანმიმართული კამპანიაა, რომ ყველგან დაძაბონ სიტუაცია და არეულობა შემოიტანონ - ჩვენ ამას არ დავუშვებთ

ამ დღეების განმავლობაში, ოპოზიციის მხრიდან, შეიძლება ითქვას, მიზანმიმართული კამპანია არის იმისა, რომ ყველგან დაძაბონ სიტუაცია და არეულობა შემოიტანონ. ჩვენ, რა თქმა უნდა, ამას არ დავუშვებთ , - ამის შესახებ დედაქალაქის საკრებულოს თავმჯდომარემ, გიორგი ტყემალაძემ ჟურნალისტებთან საუბრისას განაცხადა, რა დროსაც საკრებულოს სხდომათა დარბაზში განვითარებულ დაპირისპირებებს გამოეხმაურა.

მან ოპოზიციისა და პოზიციის წევრებს მოუწოდა, რომ სხდომაზე დრო განსახილველ საკითხებს დაუთმონ და ეს დაპირისპირებაში არ გადაზარდონ.

"როგორც მოსალოდნელი იყო, სხდომა გარკვეული პოლიტიკური დაპირისპირებით დაიწყო. ვნახეთ, რომ კამათი იყო, რომელიც გარკვეულწილად დაპირისპირებაში გადაიზარდა. მინდა მოვუწოდო ყველა ჩვენს კოლეგას, მიუხედავად პოლიტიკური კუთვნილებისა, რომ საკრებულოს სხდომაზე მაქსიმალურად დავუთმოთ დრო იმ მნიშვნელოვან საკითხებს, რომლებსაც განვიხილავთ. მინდა გითხრათ, რომ დღეს დღის წესრიგით 70 საკითხი გვაქვს განსახილველი, ერთი მეორეზე მნიშვნელოვანი, რომლებსაც ჩვენი თანამოქალაქეები ელოდებიან, ვისთვისაც ეს ძალიან მნიშვნელოვანია.

იყო კონკრეტულად, გარკვეული განცხადებები. თქვენ იცით, ზოგადად, რომ ამ დღეების განმავლობაში ოპოზიციის მხრიდან, შეიძლება ითქვას, მიზანმიმართული კამპანია არის იმისა, რომ ყველგან დაძაბონ სიტუაცია და არეულობა შემოიტანონ. ჩვენ, რა თქმა უნდა, ამას არ დავუშვებთ. მაგრამ ასევე, მინდა მოვუწოდო უმრავლესობასაც, რომ მაქსიმალურად ვეცადოთ, რომ თავი შევიკავოთ პროვოკაციებისგან და არ მივცეთ შესაძლებლობა იმისა, რომ სხდომა გარკვეულწილად გადაყვანილი იყოს დაპირისპირების რეჟიმში. მაქსიმალურად ვკონცენტრირდეთ საკითხების განხილვაზე. თუ გახსოვთ, ერთ-ერთ ჩვენს კოლეგას, რომელიც გამოირჩევა, ასე ვთქვათ, მძაფრი განცხადებებით, მოვუწოდე, რომ თავი შეეკავებინა და გადავსულიყავით დღის წესრიგით გათვალისწინებულ საკითხებზე. ეს მან არ გაითვალისწინა და მერე უკვე, რაც მოხდა, ვნახეთ", - განაცხადა გიორგი ტყემალაძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი