ლევან ხაბეიშვილი - ძალიან მძიმეა ირაკლი ეძგვერაძის და მისი მეგობრების მდგომარეობა, ნაცემები არიან ხელკეტებით, ბლაგვი საგნით - გადაყვანილი არიან საავადმყოფოში

„ნაციონალური მოძრაობის“ თავმჯდომარის ლევან ხაბეიშვილის განცხადებით, თბილისის საკრებულოს წევრის, ირაკლი ეძგვერაძის და მისი მეგობრების ჯანმრთელობის მდგომარეობა ძალიან მძიმეა.

როგორც მან ჟურნალისტებს განუცხადა, ისინი ნაცემები არიან ხელკეტებით და ბლაგვი საგნით.

“კრიმინალების დაკავების ნაცვლად, დააკავეს ნიკა მელია, ბაჩო დოლიძე და ზვიად კუპრავა, რომლებიც ითხოვდნენ, რომ ის 40-მდე შეიარაღებული კაცი დაეკავებინათ, ვინც ირაკლი ეძგვერაძეს მიუვარდა. რატომ მიუვარდა? კალაძემ ეს რატომ დააორგანიზა? ფარცხალაძის „ეფესბეშნიკობის“ ამბიდან გამომდინარე, დღეს არავის ეცლებოდა მისთვის და ამიტომ შეეძლო ასეთი რამ გაეკეთებინა. კალაძეს საკრებულოში არ მოეწონა ირაკლი ეძგვერაძის გამოსვლა და შესაბამისად, დააორგანიზა სუს-ის „ნასედკებთან“, ძველ ბიჭებთან ერთად ირაკლი ეძგვერაძეზე თავდასხმა. ყველამ კარგად უნდა იცოდეს, რომ სისხლის სამართლებრივ პასუხისგებაში მიეცემა ყველა, ვინც ეს ორგანიზებული დანაშაული ჩაიდინა. ძალიან მძიმეა ირაკლი ეძგვერაძის და მისი მეგობრების მდგომარეობა. ნაცემები არიან ხელკეტებით და ბლაგვი საგნით. ახლა არიან გადაყვანილი თემქაზე, ერთ-ერთ საავადმყოფოში“, - განაცხადა ხაბეიშვილმა.

ინფორმაციისთვის, თბილისის საკრებულოში „ერთიანი ნაციონალური მოძრაობის“ წევრ დეპუტატს, ირაკლი ეძგვერაძეს გლდანში თავს დაესხნენ. ეძგვერაძის განცხადებით, ფიზიკურად 30-ზე მეტი პირი გაუსწორდა. ეძგვერაძის თქმით, მასზე განხორციელებული თავდასხმის დამკვეთი საკრებულოში გლდანის მაჟორიტარი დეპუტატი, „ქართული ოცნების“ წევრი კოტე ზარნაძეა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024