გორის მუნიციპალიტეტში საბავშვო ბაღის კიდევ ერთი ახალი შენობა გაიხსნა

გორის მუნიციპალიტეტში საბავშვო ბაღის კიდევ ერთი ახალი შენობა გაიხსნა. ამის შესახებ ინფორმაციას გორის მერია ავრცელებს.

მათივე ცნობით, საქაშეთის ბაღის გახსნას გორის მუნიციპალიტეტის მერი ვლადიმერ ხინჩეგაშვილი და სკოლამდელი აღზრდის სააგენტოს ხელმძღვანელი გიორგი შათირიშვილი დაესწრნენ.

როგორც გორის მერიაში აცხადებენ, ახალი შენობა საქაშეთში ადგილობრივი ბიუჯეტის დაფინანსებით აშენდა.

„შენობა ყველა თანამედროვე სტანდარტს აკმაყოფილებს და 50 ბავშვზეა გათვლილი. ამ დრომდე საქაშეთში მცხოვრები აღსაზრდელები დაქირავებულ კერძო სახლში იღებდნენ სკოლამდელ განათლებას. ახალი სასწავლო წელი გორის მუნიციპალიტეტში რეაბილიტირებულ შენობებში კიდევ ორმა ბაღმა დაიწყო. უახლოეს პერიოდში კიდევ ორი ახალი ბაღის გახსნაა დაგეგმილი და ეს პროცესი მომავალშიც გაგრძელდება”, - ნათქვამია გავრცელებულ ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი