აჭარის ა/რ-ის უმაღლესი საბჭოს წევრი - პრეზიდენტს ცანცარი არ უხდება, ორი დღის განმავლობაში ურთიერთგამომრიცხავ განცხადებებს არ უნდა აკეთებდეს

პრეზიდენტს ცანცარი არ უხდება. ორი დღის განმავლობაში ურთიერთგამომრიცხავ განცხადებებს არ უნდა აკეთებდეს, - ამის შესახებ აჭარის ა/რ-ის უმაღლესი საბჭოს წევრმა ლადო მგალობლიშვილმა განაცხადა.

მგალობლიშვილი გამოეხმაურა პრეზიდენტ სალომე ზურაბიშვილის განცხადებას, რომ აშშ-ს მიერ სანქცირებულ ყოფილ მთავარ პროკურორს, ოთარ ფარცხალაძეს საქართველოს მოქალაქეობას არ უწყვეტს.

“პრეზიდენტი მიიჩნევს, რომ თუ ოთარ ფარცხალაძე დასასჯელია, ის უნდა დაისაჯოს, სწორედ, როგორც საქართველოს მოქალაქე". ორი დღის წინ კი აცხადებდა - "პრეზიდენტი იუსტიციის სამინისტროდან ელოდება ოთარ ფარცხალაძისთვის საქართველოს მოქალაქეობის შეწყვეტაზე დასკვნას, რომელსაც დაუყოვნებლივ დააკმაყოფილებს".

ქალბატონო პრეზიდენტო, 1) მოქალაქეობას არ შეწყვეტას, იმ დასჯასთან თქვენ რომ იგულისხმეთ, არავითარი კავშირი არ გააჩნია. კანონი მოქმედებს დროსა და სივრცეში და ის მოქალაქემ დაარღვია, თუ არამოქალაქემ, არავითარი მნიშვნელობა არ აქვს. 2) ამ გადაწყვეტილებით, თქვენ როგორც გჩვევიათ ხოლმე, კანონზე მაღლა დააყენეთ საკუთარ თავი. საქართველოს კანონმდებლობით, თუ პირი გახდა სხვა ქვეყნის მოქალაქე და ამაზე არსებობს კომპეტენტური ორგანოს დასკვნა, მას უპირობოდ უწყდება საქართველოს მოქალაქეობა. მაგრამ თქვენ ეს არ გააკეთეთ.

პრეზიდენტს ცანცარი არ უხდება. ორი დღის განმავლობაში ურთიერთგამომრიცხავ განცხადებებს არ უნდა აკეთებდეს. ქართველებს გვაქვს ერთი კარგი გამოთქმა- "ასჯერ გაზომე და ერთხელ გაჭერი" , პრეზიდენტო“, - აცხადებს ლადო მგალობლიშვილი.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი