შალვა პაპუაშვილი რუმინეთის სენატის პრეზიდენტს შეხვდა

საქართველოს პარლამენტის თავმჯდომარე შალვა პაპუაშვილი რუმინეთის სენატის პრეზიდენტ ნიკოლაე ჩუკას შეხვდა. ინფორმაციას პარლამენტის პრესსამსახური ავრცელებს.

მათი ინფორმაციით, შალვა პაპუაშვილმა რუმინულ მხარეს მადლობა გადაუხადა საქართველოს ტერიტორიული მთლიანობისა და ევროპული მომავლის მტკიცე და ურყევი მხარდაჭერისთვის.

„შეხვედრაზე ისაუბრეს საქართველოსა და რუმინეთს შორის სტრატეგიულ პარტნიორობაზე. შალვა პაპუაშვილმა ხაზი გაუსვა ნიკოლაე ჩუკას განსაკუთრებულ წვლილს ქართულ-რუმინული ურთიერთობების გაღრმავებაში.

მხარეებმა განიხილეს ორ ქვეყანას შორის თანამშრომლობა საპარლამენტო დონეზე, ასევე, ეკონომიკისა და ენერგეტიკის მიმართულებებით. ყურადღება გამახვილდა პროექტებზე, რომლებიც გააძლიერებს კავშირს შავ ზღვაში და ხელს შეუწყობს ევროკავშირის ენერგოდამოუკიდებლობას.

ამ მხრივ, ნიკოლაე ჩუკამ განაცხადა, რომ აღნიშნული სტრატეგიული პროექტები დიდ წვლილს შეიტანს ორმხრივი ურთიერთობების გაძლიერებაში. მან ხაზი გაუსვა საქართველოს ხელსაყრელ გეოგრაფიულ მდებარეობას, როგორც ხიდს ევროპასა და აზიას შორის.

შალვა პაპუაშვილმა დეტალურად ისაუბრა საქართველოს პროგრესზე ევროკავშირსა და ნატოში გაწევრიანების გზაზე. მან ხაზი გაუსვა ამჟამინდელ ისტორიულ პერიოდში რუმინეთის მხრიდან საქართველოსადმი შემდგომი მხარდაჭერის მნიშვნელობას.

სენატის პრეზიდენტმა დადებითად შეაფასა საქართველოს მიერ განხორციელებული რეფორმები. მისი განცხადებით, მნიშვნელოვანია, რომ ევროკავშირმა და ნატომ აღიარონ და დააფასონ საქართველოს შედეგები და ქვეყნის მიერ შეტანილი წვლილი საერთაშორისო მისიებში. მან განაცხადა, რომ რუმინეთი გააგრძელებს საქართველოს მხარდაჭერას ევროკავშირსა და ნატოში გაწევრიანების გზაზე.

შეხვედრა შალვა პაპუაშვილისა და მისი თანმხლები დელეგაციის რუმინეთში მიმდინარე ვიზიტის ფარგლებში განხორციელდა“,-აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024