შალვა პაპუაშვილი რუმინეთის დეპუტატთა პალატის ვიცე-პრეზიდენტს შეხვდა

საქართველოს პარლამენტის თავმჯდომარე შალვა პაპუაშვილი რუმინეთის დეპუტატთა პალატის ვიცე-პრეზიდენტ დანიელ სუჩიუს შეხვდა.

პარლამენტის პრესსამსახურის ინფორმაციით, შეხვედრაზე ხაზი გაესვა საქართველოსა და რუმინეთს შორის მტკიცე კავშირებსა და სხვადასხვა მიმართულებით ნაყოფიერ თანამშრომლობას. დანიელ სუჩიუს თქმით, საქართველო-რუმინეთის პოლიტიკური თანამშრომლობა ისტორიულად უმაღლეს დონეზეა. ყურადღება გამახვილდა საპარლამენტო გაცვლების გააქტიურებაზე, მათ შორის, სექტორულ კომიტეტებს შორის.

მხარეებმა, ასევე, ისაუბრეს უკრაინის ომზე, უკრაინისადმი საქართველოს მხარდაჭერაზე, კავკასიის რეგიონში არსებულ კომპლექსურ ვითარებაზე, შავ ზღვაში დაკავშირებადობის გაუმჯობესების მნიშვნელობასა და საქართველოს გაწევრიანებაზე ევროკავშირსა და ნატოში.

შალვა პაპუაშვილმა ისაუბრა საქართველოს მიერ ევროკავშირის 12 რეკომენდაციის შესრულების პროგრესსა და მოლოდინებზე. მან იმედი გამოთქვა, რომ აღარ მოხდება საქართველოს ნეგატიური დიფერენციაცია ასოცირებული ტრიოს დანარჩენი ქვეყნებისგან და წლის ბოლოს ევროკავშირი საქართველოს მიანიჭებს კანდიდატი ქვეყნის სტატუსს და, უკრაინასა და მოლდოვასთან ერთად, დაიწყებს საქართველოსთან გაწევრიანების მოლაპარაკებებს.

დანიელ სუჩიუმ გამოხატა საქართველოს ევროპული და ევროატლანტიკური მომავლისადმი რუმინეთის სრული მხარდაჭერა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?