შალვა პაპუაშვილი - პრეზიდენტი ამბობს, რომ ადამიანების ინსტრუმენტალიზება მოახინდა, რაც სამართლებრივ ტერმინოლოგიაში ნიშნავს ადამიანის ღირსების შელახვას - უფრო და უფრო ჭირს, აიხსნას მისი გადაწყვეტილებები

გვახსოვს პრეზიდენტის ადმინისტრაციის განცხადება, რომ ეროვნული ბანკის საბჭოს კანდიდატებს მანამ არ წარადგენდა პარლამენტში, სანამ ეროვნული ბანკი არ მიიღებდა საქართველოს პრეზიდენტის სასურველ გადაწყვეტილებას. ეს არის პირდაპირი ჩარევა ეროვნული ბანკის საქმიანობაში, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

შალვა პაპუაშვილის თქმით, პრეზიდენტის მიერ საქართველოს ეროვნული ბანკის საბჭოს კანდიდატების ჯერ წარდგენა და შემდეგ გაწვევა ადამიანის ინსტრუმენტალიზაციის მაგალითია, რაც სამართლებრივ ტერმინოლოგიაში ნიშნავს ადამიანის ღირსების შელახვას.

„ნელ-ნელა უფრო და უფრო ჭირს, რომ აიხსნას მისი გადაწყვეტილებები და ქმედებები. ორი რამეა ფაქტი, პრეზიდენტის მხრიდან არის აშკარა, პირდაპირი ზეწოლა ეროვნულ ბანკზე, რომ ეროვნულმა ბანკმა მიიღოს ისეთი გადაწყვეტილება, რომელსაც ის თვლის საჭიროდ. ამიტომ ახდენს ზეწოლას ეროვნულ ბანკზე. გვახსოვს მისი ადმინისტრაციის განცხადება, რომ კანდიდატებს მანამ არ წარადგენდა პარლამენტში, სანამ ეროვნული ბანკი არ მიიღებდა საქართველოს პრეზიდენტის სასურველ გადაწყვეტილებას. ეს არის პირდაპირი ჩარევა ეროვნული ბანკის საქმიანობაში. შევახსენებ ყველას, რომ ეროვნული ბანკი არის საქართველოს პარლამენტის მიმართ ანგარიშვალდებული ორგანო, ამიტომ საქართველოს პარლამენტისა და პირადად ჩემი ვალდებულებაა, რომ როდესაც ეროვნული ბანკის საქმიანობაში ჩარევა ხდება და პირდაპირი შანტაჟი პრეზიდენტის მხრიდან, რომ ის ეროვნული ბანკის საბჭოს აქცევს უფუნქციოდ, თუკი არ დაემორჩილებიან მის ნებას და მისი ნების შესაბამისად არ დაადგენენ წესებს. ეს არის პირდაპირ ჩარევა და მნიშვნელოვანია, რომ პრეზიდენტმა ასეთი ჩარევა შეწყვიტოს.

ვნახე განცხადება კანდიდატებთან დაკავშირებით, სადაც ის ცდილობდა გაემართლებინა მთელი ეს ეპოპეა, ჯერ კანდიდატების წამოყენებაზე, შემდეგ გაწვევაზე. ის ამართლებს ამას იმით, რომ მას სურდა ლუსტრაცია მოეხდინა პარლამენტის და განზრახ წარადგინა არასათანადო კანდიდატები. არ მგონია, რომ ამას რაიმე ჰქონდეს საერთო რეალობასთან, თუმცა ამით გამოდის, რომ პრეზიდენტი ამბობს, რომ მან ინსტრუმენტალიზება მოახდინა ადამიანების. ეს ორი ადამიანი მან გამოიყენა იმისთვის, რომ პარლამენტისთვის რაღაც ეჩვენებინა. შევახსენებ საქართველოს პრეზიდენტს, ამას ჰქვია ადამიანის ინსტრუმენტალიზაცია, რაც სამართლებრივ ტერმინოლოგიაში ნიშნავს ადამიანის ღირსების შელახვას. საქართველოს პრეზიდენტი საქართველოს ორ მოქალაქეზე ამბობს, რომ ის მათ იყენებდა იმისთვის, რომ რაღაც დაემტკიცებინა თუ ეჩვენებინა, ეს იმდენად აგდებული დამოკიდებულებაა ადამიანის მიმართ, საქართველოს მოქალაქის მიმართ, რომ ამას რა შეფასება შეიძლება მიცეს არც კი ვიცი“, - განაცხადა შალვა პაპუაშვილმა.

შალვა პაპუაშვილის განცხადებით, პრეზიდენტი არ აკმაყოფილებს დასკვნას ოთარ ფარცხალაძისთვის მოქალაქეობის შეწყვეტასთან დაკავშირებით, რადგან ერთი მხრივ ეროვნული ბანკის დისკრედიტაციას ცდილობს, ხოლო მეორე მცრივ რადიკალური დღის წესრიგის შენარჩუნებას ცდილობს.

„ამას შეიძლება, მოვუძებნოთ ერთადერთი ახსნა, რომ ერთი მხრივ, მცდელობაა, მოხდეს ინსტიტუტის დისკრედიტაცია, ეროვნულ ბანკს ვგულისხმობ, მეორე მხრივ, რადიკალური დღის წესრიგის შენარჩუნება და რადიკალური ჯგუფებისთვის სალაპარაკოს მიცემა. სხვა მხრივ, ეს ყველაფერი ლოგიკაში აღარ ჯდება და ვერ ვხსნი. იმედი მაქვს, პრეზიდენტი დაუბრუნდება კანონის, კონსტიტუციის ჩარჩოს, რადგან მისი ვალდებულებაა და არა ნება, რომ კონსტიტუციის შესაბამისად იმოქმედოს. ვფიქრობ, უკვე ისეთი მდგომარეობა გვაქვს, რომ მოტივაცია არ არის იმდენად მნიშვნელოვანი, როგორც მოქმედებებია დამაზიანებელი და ქვეყნის ინტერესების საწინააღმდეგო“, – განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024