ლაშა ტუღუში - ხელისუფლება ფარცხალაძის საკითხზეც იმ პროცესში ჩაერთო, რომელიც მისთვისაც წამგებიანია და ქვეყნისთვისაც - ამას ვაშინგტონიდან კიდევ უფრო მძაფრი ნაბიჯები მოჰყვება

ხელისუფლება ფარცხალაძის საკითხზეც იმ პროცესში ჩაერთო, რომელიც მისთვისაც წამგებიანია და ქვეყნისთვისაც - ეს არ არის ბრძოლა, რომელსაც ვინმე მოიგებს. თუ ასეთი გზით ვაპირებთ მთავარ პარტნიორთან დაპირისპირებას, რა თქმა უნდა, ამას ვაშინგტონიდან კიდევ უფრო მძაფრი ნაბიჯები მოჰყვება , - ამის შესახებ „პალიტრანიუსის“ გადაცემა „რეზიუმეში“ „ლიბერალური აკადემიის“ დირექტორმა, ლაშა ტუღუშმა აშშ-ს მიერ საქართველოს ყოფილი გენერალური პროკურორის, ოთარ ფარცხალაძის დასანქცირების საკითხზე საუბრისას განაცხადა.

მისივე თქმით, ამ შემთხვევაში, საქართველოს ხელისუფლების გადასაწყვეტია, თუ რა პოლიტიკას გაჰყვება.

„მე ვფიქრობ, რომ ხელისუფლება აქაც იმ პროცესში ჩაერთო, რომელიც მისთვისაც წამგებიანია და ქვეყნისთვისაც. ეს გადაფარება, არათანმიმდევრული ნაბიჯები, რომელსაც შემდეგ ეროვნული ბაკიც შეუერთდა და ის მიდგომები, რა თქმა უნდა, ყველასთვის დამაზიანებელია, რადგან ეს არ არის ბრძოლა, რომელსაც ვინმე მოიგებს. ამ შემთხვევაში თემა არის ძალიან სახიფათო. თანამშრომლობა რუსეთის სპეცსამსახურებთან, რომელიც დაკავშირებულია რაღაც გავლენების გაფართოებასთან და გავლენების მოპოვებასთან დღეს ძალიან სახიფათოა. დღეს, თუ შენ ასეთ ადამიანებს დაუპირებ გადარჩენას და უკან დადგები... სხვათა შორის, როცა ამერიკის შეერთებულმა შტატებმა ძალიან მსუბუქი ნაბიჯი გადადგა მოსამართლეებთან დაკავშირებით, მაშინაც მივიდა პრემიერ-მინისტრი და გვერდით დაუდგა [მოსამართლეებს]. ეს ნაბიჯი უფრო სერიოზულია და თუ ასეთი გზით ვაპირებთ მთავარ პარტნიორთან დაპირისპირებას, რა თქმა უნდა, ამას ვაშინგტონიდან კიდევ უფრო მძაფრი ნაბიჯები მოჰყვება. შემიძლია ვთქვა, რომ ამაში დარწმუნებული ვარ. არჩევანს ამ შემთხვევაში ისევ ჩვენი ხელისუფლება აკეთებს. მისი არჩევანია რა პოლიტიკას გაჰყვება - დაპირისპირებას, გაუგებარ თამაშს, თუ იდგება იქ, სადაც უნდა იდგეს. ეს ყველაფერი საბოლოო ჯამში ჩვენს მომავალზე აისახება,“ - განაცხადა ლაშა ტუღუშმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი