ილია დარჩიაშვილი ევროკომისარ კადრი სიმსონს შეხვდა

საქართველოს საგარეო საქმეთა მინისტრი ილია დარჩიაშვილი, ბრიუსელში ვიზიტის ფარგლებში, ევროკომისარს ენერგეტიკის საკითხებში, კადრი სიმსონს შეხვდა. ინფორმაციას საგარეო საქმეთა სამინისტრო ავრცელებს.

უწყების ცნობით, შეხვედრისას მხარეებმა ევროკომისიის მიერ განსაზღვრული 12 რეკომენდაციისა და საქართველოს მიერ მათი შესრულების მიმდინარეობაზე ისაუბრეს.

ქართულმა მხარემ ევროკომისარს კიდევ ერთხელ დაუდასტურა მზადყოფნა, ამ კუთხით მაქსიმალურ ძალისხმევას მიმართოს.

„გარდა ამისა, შეხვედრაზე განსაკუთრებით ყურადღება საქართველოსთვის კანდიდატის სტატუსის მინიჭების მნიშვნელობაზე გამახვილდა და იმედი გამოითქვა, რომ ევროკომისიის ანგარიშში ქვეყნის პროგრესი ევროინტეგრაციის გზაზე გათვალისწინებული და სათანადოდ ასახული იქნება.

მხარეებმა მაღალი შეფასება მისცეს საქართველოსა და ევროკავშირის თანამშრომლობას ენერგეტიკის სფეროში და ხაზი გაუსვეს საქართველოს მზარდ როლს ევროპის ენერგოუსაფრთხოების უზრუნველყოფის პროცესში, ასევე, გამოთქვეს იმედი, რომ ენერგეტიკის სფეროში თანამშრომლობა კიდევ უფრო გაღრმავდება და ახლო მომავალში სტრატეგიულ დონეზე ავა, რისთვისაც ორივე მხარის მზადყოფნა არსებობს.

აღსანიშნავია, რომ შეხვედრაზე საუბარი შეეხო გლობალური მნიშვნელობის ენერგოპროექტებს, რომლებშიც საქართველოა ჩართული. განსაკუთრებული ყურადღება შავი ზღვის კაბელის პროექტის მნიშვნელობაზე გამახვილდა.

ამასთან, მხარეებმა ხაზი გაუსვეს მწვანე ენერგიის განვითარების მიმართულებით ევროკავშირთან თანამშრომლობის გაღრმავების მნიშვნელობას,“ - აღნიშნულია გავრცელებულ ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?