ოზურგეთის საკრებულოს სხდომაზე ხმაური იყო

ოზურგეთის საკრებულოს სხდომაზე ხმაური იყო. ვითარება იმდენად დაიძაბა, რომ სხდომის დაწყებიდან რამდენიმე წუთში შესვენება გამოცხადდა, რის შემდეგაც, დეპუტატებმა სხდომათა დარბაზი დატოვეს.

დაპირისპირება საკრებულოს წევრებს შორის „ნაციონალური მოძრაობის“ დეპუტატის, თათია ნიკოლაშვილის განცხადებას მოჰყვა.

ნიკოლაშვილი დაინტერესდა თუ რა გეგმები აქვს ადგილობრივ ხელისუფლებას სტიქიის შედეგად დაზარალებული ოჯახების დასახმარებლად.

მისივე თქმით, დამეწყრილ სოფლებში დარჩენილია ადამიანები, რომლებისთვისაც ყურადღება ამ დრომდე არ მიუქცევიათ.

ნიკოლაშვილის ამ განცხადებამ „ქართული ოცნების“ დეპუტატების გაღიზიანება გამოიწვია, რის გამოც, ისინი ერთმანეთს სიტყვიერად დაუპირისპირდნენ.

რამდენიმე წუთის განმავლობაში ისმოდა ურთიერთბრალდებები, რის შემდეგაც სხდომაზე შესვენება გამოცხადდა.

„ოზურგეთში მოხდა ძალიან დიდი ტრაგედია, ძალიან დიდი სტიქია... მაგალითად, ერთ-ერთი სოფელი ამ დრომდე მოწყვეტილია გარე სამყაროს. კონკრეტული ოჯახები კვლავ მიტოვებულია სტიქიის ზონაში, რომელთაც პრობლემები აქვთ. მდინარე ადიდდა, მიწები ჩამოეშალათ, საფრთხის წინაშე არიან. არის რვა სულიანი ოჯახი, რომელიც საფრთხის წინაშეა და ამ პრობლემებზე, რომ დავიწყე საუბარი მმართველი გუნდის დეპუტატებმა მოსმენაც კი არ ისურვეს”, - განაცხადა თათია ნიკოლაშვილმა.

ამასთან, საკრებულოს სხდომის დაწყებისთანავე საკრებულოს თავმჯდომარე გამოეხმაურა ქვემო ნატანების საჯარო სკოლაში მომხდარ შემთხვევას.

როგორც მან აღნიშნა, ყველამ იცოდა, რომ სკოლა ავარიულ მდგომარეობაში იყო. მისივე თქმით, გამოცხადდება ტენდერი და ჩატარდება სრული სარეაბილიტაციო სამუშაოები.

ფაქტს „ნაციონალური მოძრაობის“ დეპუტატები გამოეხმაურნენ და აღნიშნეს, რომ თუ პრობლემა ცნობილი იყო, მაშინ რატომ არ მოხდა დროულად რეაგირება ხელისუფლების მხრიდან.

ამ დროისთვის საკრებულოს სხდომა უკვე განახლდა, თუმცა ,,ნაციონალური მოძრაობის“ დეპუტატები მას პროტესტის ნიშნად არ ესწრებიან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024