იმერეთის ვიცე-გუბერნატორმა ლევან სანიკიძემ, ქუთაისის მერის მოადგილემ თამარ დახუნდარიძემ, საკრებულოს თავმჯდომარემ ირაკლი შენგელიამ, ომში დაღუპულთა ოჯახის წევრებთან ერთად, აფხაზეთის ომის გმირების ხსოვნას პატივი მიაგეს.
ამის შესახებ ინფორმაციას ქუთაისის მერია ავრცელებს.
მათივე ცნობით, ადგილობრივი ხელისუფლების წარმომადგენლებმა „ნინოშვილის სკვერში“ გმირთა მემორიალი ყვავილებით შეამკეს.
„27 სექტემბერი ერთ-ერთი ყველაზე დრამატული თარიღია თანამედროვე საქართველოს ისტორიაში. 30 წლის წინ, 1993 წლის 27 სექტემბერს, სოხუმის დაცემით დასრულდა აფხაზეთის ომი. სასულიერო პირებმა ომში დაღუპულთა სულების მოსახსენებელი პანაშვიდი გადაიხადეს. სოხუმის დაცემის დღის გამო და აფხაზეთის ომში დაღუპულთა ხსოვნის პატივსაცემად, ქუთაისში, ყველა ადმინისტრაციულ შენობაზე სახელმწიფო დროშები დაშვებულია“, - აღნიშნულია ინფორმაციაში.