გიორგი ალადაშვილმა და ლევან ანდრიაშვილმა აფხაზეთის ომიდან 30 წლისთავზე ერთიანი საქართველოსთვის დაღუპულ გმირთა მემორიალი ყვავილებით შეამკეს

კახეთის სახელმწიფო რწმუნებულმა, გიორგი ალადაშვილმა, თელავის მუნიციპალიტეტის მერმა, ლევან ანდრიაშვილმა და საკრებულოს თავმჯდომარის მოადგილემ, მამუკა ბურდიაშვილმა საქართველოს ტერიტორიული ერთიანობისთვის დაღუპულ გმირთა მემორიალი ყვავილებით შეამკეს.

როგორც გიორგი ალადაშვილმა აღნიშნა, აფხაზეთის ომი თანამედროვე საქართველოს ისტორიის ერთ-ერთი ყველაზე დრამატული მოვლენაა.

„კონფლიქტის მშვიდობიანი მოგვარების გზას ალტერნატივა არ გააჩნია და ჩვენი ხელისუფლება მტკიცედ მიჰყვება ამ გზას, რადგან გვჯერა, რომ მშვიდობიანი გზით მივაღწევთ დასახულ მიზანს, რაც ნიშნავს აფხაზ და ოს ძმებთან გაერთიანებას და მათთან ერთად ჩვენი ქვეყნის განვითარებას,"- აღნიშნა გიორგი ალადაშვილმა.

როგორც ლევან ანდრიაშვილმა განმარტა, 27 სექტემბერი ჩვენი ქვეყნის ისტორიაში ერთ-ერთი მძიმე დღეა.

„დღე, როდესაც დროებით დავკარგეთ ჩვენი ქვეყნის ულამაზესი კუთხე - აფხაზეთი. ეთნიკურმა წმენდამ ასეულობით ათასი ადამიანი საკუთარ სამშობლოში დევნილად აქცია და ტრაგიკულად შეიწირა მრავალი ჩვენი თანამოქალაქის სიცოცხლე; დღეს საქართველოს 20% კვლავ ოკუპირებულია. რუსეთის მიერ ოკუპირებული რეგიონების დეოკუპაცია და ქვეყნის გაერთიანება კვლავაც ჩვენი სახელმწიფოსა და საზოგადოების უმთავრეს გამოწვევად რჩება.

ღრმად ვარ დარწმუნებული, რომ მშვიდობიანი პოლიტიკით და სწორი გადაწყვეტილებებით ძალიან მალე დავიბრუნებთ დაკარგულ ტერიტორიებს“, - აღნიშნა ლევან ანდრიაშვილმა.

ინფორმაციას თელავის მუნიციპალიტეტის მერია ავრცელებს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?