ბათუმში, სოხუმის დაცემის დღესთან დაკავშირებით „ნაციონალური მოძრაობის” წევრებმა და მხარდამჭერებმა მსვლელობა გამართეს

„აფხაზეთი საქართველოა” - ამ ლოზუნგით ბათუმში, სოხუმის დაცემის დღესთან დაკავშირებით „ერთიანი ნაციონალური მოძრაობის” წევრებმა და მხარდამჭერებმა აქცია-მსვლელობა გამართეს.

როგორც „ერთიანი ნაციონალური მოძრაობის“ წევრები აცხადებენ, სოხუმის დაცემიდან 30 წელი შესრულდა და აქციის ამ ფორმით პატივს მიაგებენ აფხაზეთის ომში გმირულად დაღუპულებს.

მათივე თქმით, დღეს მთავარ საზრუნავს ტერიტორიული მთლიანობის აღდგენა და დევნილების საკუთარ საცხოვრებელ ადგილებში მშვიდობიანი დაბრუნება წარმოადგენს.

ორგანიზატორების თქმით, აქციისთვის ბათუმი სიმბოლურად შეირჩა.

„არა ეს დაპაუზებული, არამედ, სააკაშვილის ბათუმი არის ზუსტი გზავნილი ჩვენი აფხაზი ძმებისათვის, რათა გააკეთონ არჩევანი სინათლესა და სიბნელეს, პროგრესსა და რეგრესს, შენებასა და ნგრევას შორის. ბათუმი აშკარა მაგალითია იმისა, თუ რა მოაქვს თავისუფლებასა და ევროპულ ღირებულებებს”, - აღნიშნეს აქციის მონაწილეებმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი