რომან გოცირიძე - სავალუტო ფონდმა პროგრამა ეროვნულ ბანკთან დაკავშირებული ცვლილებების მიღების შემდეგ შეაჩერა და ამას მალავდნენ - აღდგენაზე საუბარი 17-18 ოქტომბერს უნდა დაწყებულიყო, თუმცა, ასეთ ვითარებაში პროგრამას არავინ აღადგენს

სავალუტო ფონდმა პროგრამა შეაჩერა ეროვნულ ბანკთან დაკავშირებული ცვლილებების მიღების შემდეგ და ამას მალავდნენ - აღდგენაზე საუბარი უნდა დაწყებულიყო 17 -18 ოქტომბერს, თუმცა, ასეთ ვითარებაში არავინ პროგრამას არ აღადგენს, - ამის შესახებ ჟურნალისტებთან „ევროოპტიმისტების“ დეპუტატმა, რომან გოცირიძემ განაცხადა.

მისი თქმით, სავალუტო ფონდის პროგრამა არის მნიშვნელოვანი სიგნალი ინვესტორებისთვის და ნდობის მთავარი ფაქტორი, ამიტომ მისი შეჩერება უარყოფით გავლენას იქონიებს.

„საერთაშორისო სავალუტო ფონდის პროგრამა არის მნიშვნელოვანი სიგნალი ინვესტორებისთვის და ნდობის მთავარი ფაქტორი, ეს იმას ნიშნავს, რომ ქვეყანაში არის მაკროეკონომიკური სტაბილურობა და საქართველოს საფინანსო პოლიტიკა მხარდაჭერილია საერთაშორისო საფინანსო და საკრედიტო ორგანიზაციების მიერ. პროგრამის მეორე მხარე არის შეღავათიანი კრედიტები, რომელსაც ქვეყანა იღებს და ეს არის 300 მილიონიანი პროგრამა. პროგრამის შეჩერება არის ძალიან ცუდი სიგნალი და უნდობლობა საქართველოს ფინანსური ხელისუფლებისადმი, ასეთი რამ ხდებოდა შევარდნაძის დროს. შევარდნაძის დროს პროგრამა წყდებოდა, როცა ფონდის, ან მსოფლიოს ბანკის სხვა რესურსები იფლანგებოდა და კორუფციულ სისტემას ხმარდებოდა. პროგრამის შეჩერებას მალავდა ეროვნული ბანკი. სამიოდე დღის წინ, სავალუტო ფონდის განცხადებით გაირკვა, რომ პროგრამა თურმე არის შეჩერებული, ის შეაჩერეს სწორედ თურნავას კანონად წოდებული, ეროვნულ ბანკთან დაკავშირებული ცვლილებების შემდეგ, რომელსაც ვეტო დაადო პრეზიდენტმა, თუმცა, მაინც დაძლია პარლამენტმა, მაშინ გაჩერებულა პროგრამა და ამას მალავდნენ. ფონდის პროგრამის აღდგენაზე საუბარი უნდა დაწყებულიყო 17 -18 ოქტომბერს, რაც გამორიცხულია, ასეთ ვითარებაში არავინ პროგრამას არ აღადგენს და მე ეჭვი მაქვს, რომ საერთოდ ფონდის მისია ჩამოვიდეს საქართველოში”, - განაცხადა გოცირიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი