ლევან გოგიჩაიშვილი - ლავროვის განცხადებას კლასიკური გაგებით „საქართველოს ხელისუფლების ჩაშვება“ ჰქვია

ახლა „ქართულ ოცნებას“ ძალიან უჭირს და ძალიან სერიოზული პოლიტიკური კრიზისი უდგას - ამ შემთხვევაში ერთადერთი „სასარგებლო იდიოტის“ როლს „ნაციონალური მოძრაობა“ ასრულებს, რადგან მასაც ეს ორპოლუსიანი სივრცე აწყობს, - ამის შესახებ ოპოზიციონერმა პოლიტიკოსმა, ყოფილმა დეპუტატმა, ლევან გოგიჩაიშვილმა „პალიტრანიუსის“ გადაცემა „ნიუსრუმში“ განაცხადა.

მისივე თქმით, დღეს საქართველოში მნიშვნელოვანია ალტერნატიული ძალების განვითარება.

„მაშინ, როდესაც „ნაციონალურ მოძრაობას“ უჭირდა, ის ძალადობაზე გადადიოდა. ახლა „ქართულ ოცნებას“ ძალიან უჭირს და ძალიან სერიოზული პოლიტიკური კრიზისი უდგას. ამ შემთხვევაში ერთადერთი „სასარგებლო იდიოტის“ როლს „ნაციონალური მოძრაობა“ ასრულებს, იმიტომ, რომ „ნაციონალურ მოძრაობასაც“ ეს ორპოლუსიანი სივრცე აწყობს. ამიტომ დღეს მთავარი ამოცანა არის ალტერნატიული ძალების განვითარება.

დღეს საქართველოში ორი ადამიანის პრობლემაა, რომელიც კვებავს ამ პოლარიზაციას. ეს არის ივანიშვილი თავისი ხელისუფლებით და უკვე ბევრი წელია სააკაშვილი, რომელიც ყველაფერზე წამსვლელი არის რაღაც თავისი ვნებების დასაკმაყოფილებლად. აი, ამ ტანდემმა ძალიან კარგად იმუშავა 2021 წელს, როდესაც თავისი სიბრიყვით, მავნებლობით, თუ გაუაზრებელი პროცედურებით სააკაშვილი ამ ქვეყანაში ჩამოვიდა და ივანიშვილის ხელისუფლებას გაუხანგრძლივა არსებობა. რომ არ გამოჩენილიყო სააკაშვილი საქართველოში, „ქართული ოცნება“ იმ ბარიერს ვერ გადალახავდა, რომლითაც გარანტირებული ხდებოდა უკვე ვადამდელი არჩევნები. ასევე, რა კრიზისიც ჰქონდა ზუგდიდში და ბათუმში, ის კრიზისი მათ თბილისში ექნებოდათ.

ივანიშვილი მზად არის, რომ საკუთარი ფულის შენარჩუნებას გადააყოლოს უკვე ქვეყანა. ის, რომ ამ ყველაფერს შესწირა ინსტიტუციები ამას ჩვენ ვხედავთ, კერძოდ, თუ რა უქნა სასამართლოს, პარლამენტს. ბიძინა ივანიშვილი ცდილობს ყველანაირად მოკლას პოლიტიკური პროცესი, ქვეყანაში პოლიტიკური პროცესის მოკვლა ნიშნავს დაძაბულობის მატებას. კეზერაშვილმა, ბიძინა ივანიშვილმა, უჩა მამაცაშვილმა „ქოლ-ცენტრებით“ ერთად აკეთეს ფული ანუ როდესაც შენ ცდილობ ყველა სხვა ნორმალური პროცესი მოკლა, განავითარო და ველში დატოვო „ნაციონალური მოძრაობა“ და ასევე, დარჩე შენ, ეს ნიშნავს იმას, რომ შენი მიზანია ქვეყანაში პოლარიზაცია გააღრმაო, ქვეყნის ინსტიტუტები ჩამოშალო და ქვეყანა ატარო იმ გზით, რა გზითაც ის წავიდა“, - განაცხადა ლევან გოგიჩაიშვილმა.

ასევე, ლევან გოგიჩაიშვილი გამოეხმაურა სერგეი ლავროვის განცხადებას ფრენების თაობაზე და აღნიშნა, რომ ლავროვის ამ ქმედებას კლასიკური გაგებით, "საქართველოს ხელისუფლების ჩაშვება“ ჰქვია.

„ამას კლასიკური გაგებით ჩაშვება ჰქვია, ის კულუარულ მოლაპარაკებებში ღარიბაშვილთან იყო. მან ღარიბაშვილზე თქვა, რომ ეს ჩემი კაცია და ჩემი აგენტია. მან აწარმოა არაოფიციალური მოლაპარაკება საქართველოს მთავრობასთან. ჩემი აზრით, ეს მიმდინარეობდა, სავარაუდოდ, საგარეო საქმეთა სამინისტროს მიღმა, ყოველ შემთხვევაში არცერთი ოფიციალური ვიზიტი არ ყოფილა. ალბათ, ეს მოლაპარაკებები მიმდინარეობდა კულუარული ადამიანების (მამაცაშვილების და მისი გარემოცვის) გამოყენებით.

მე ვვარაუდობ, რომ შეიძლება ამ მოლაპარაკებების ერთ-ერთი რგოლი უჩა მამაცაშვილი და ასევე, ბიძინა ივანიშვილის საახლობლო იყოს“, - განაცხადა ლევან გოგიჩაიშვილმა.

კითხვაზე, რა უნდა გაკეთდეს იმისთვის, რომ რუსეთისთვის საქართველო არ გახდეს ბოლო ბასტიონი, გოგიჩაიშვილი ასე პასუხობს, „ქართულმა ოცნებამ“ არჩევნები უნდა წააგოს“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს