პრემიერი ჩარტერზე - მიზანმიმართულად გადავახდევინე ოჯახს, რომ მეჩვენებინა კონტრასტი და განსხვავება ჩვენი ხელისუფლების ხელწერის - მე მყავს შეძლებული ოჯახი, არასდროს ვიყავი გაჭირვებული

მე არასოდეს მისარგებლია ბიუჯეტით და არ დამიფინანსებია ჩემი პირადი ან ჩემი ოჯახის მგზავრობა თუ სხვა - მე მყავს შეძლებული ოჯახი, არასდროს ვიყავი გაჭირვებული, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებს განუცხადა.

მისივე თქმით, მან საკუთარ ოჯახს აშშ-ში კერძო მიზნებისთვის ფრენის ხარჯები მიზანმიმართულად გადაახდევინა, რადგან წინა ხელისუფლებასთან ამ ხელისუფლების განსხვავება ეჩვენებინა.

„მე არასოდეს მისარგებლია ბიუჯეტით და არ დამიფინანსებია ჩემი პირადი ან ჩემი ოჯახის მგზავრობა თუ სხვა. არცერთი თეთრი არ დახარჯულა ბიუჯეტიდან არც ჩემს მგზავრობაში და არც ჩემი ოჯახის წერების მგზავრობაში. განსხვავებით თქვენი ბელადი სააკაშვილისგან. მე შეგნებულად, მიზანმიმართულად გავაკეთე ეს, მიზანმიმართულად გადავახდევინე ოჯახს, რომ მეჩვენებინა და კიდევ ერთხელ წარმომეჩინა კონტრასტი, განსხვავება ჩვენი ხელისუფლების ხელწერის, რომ ჩვენ ბიუჯეტს არასოდეს ვიყენებთ როგორც ოჯახის პირად ბიუჯეტს და მეჩვენებინა მეორე უკიდურესობა, რაც აქ 10 წლის წინ იყო გამეფებული, როცა საკუთარი პირადი მიზნებისთვის სააკაშვილი და მისი კრიმინალური ბანდა მილიონობით ლარს ხარჯავდა. მე მყავს შეძლებული ოჯახი, არასდროს ვიყავი გაჭირვებული. რაც დავამთავრე უნივერსიტეტი, პოლიტიკამდეც ვმუშაობდი ამ ქვეყნის უმდიდრეს ადამიანთან და ვმართავდი ყველაზე მდიდარ ფონდს. ჩემი ოჯახი არასდროს ყოფილა გაჭირვებული, ეს არ არის დამალული და არ არის სიახლე. მეუხერხულება საუბარი, მაგრამ რადგან მეკითხებით, გპასუხობთ“, - განაცხადა ღარიბაშვილმა.

მისივე თქმით, მისი შემოსავლები გამჭვირვალეა და დეკლარაციაშიც არის ასახული.

„ჩემს ოჯახს აქვს შესაბამისი დადასტურებული შემოსავლებიც, ფინანსური სახსრებიც, ყველაფერი არის გამჭვირვალე. თუ რაიმე კითხვები გაქვთ, ყოველ წელს ვავსებ დეკლარაციას, დაელოდეთ მომავალ დეკლარაციას. არაფერი დაფარული არ მაქვს. იცით, რომ, წლების განმავლობაში, ოპოზიცია ამბობდა, სააკაშვილი გასამართლებული იყო რაღაც მოგონილი პიჯაკების საქმეზეო. ერთ-ერთ მთავარი მტკიცებულება, რაც ამ საქმეში დევს, არის მათ შორის თვითმფრინავის ხარჯები, პირადი ხარჯები, პირადი ვიზიტები, რომელიც დაფინანსებული იყო ბიუჯეტიდან. ახლა მთავარი თემა და სკანდალი რაც გამოვლინდა, არის ის, რომ ჯარს აფინანსებინებდა საკუთარ გართობას და დროსტარებას. 14 მლნ ლარი არის გაფლანგული თავდაცვის სამინისტროდან არამიზნობრივად, პირადი ვოიაჟებისთვის. რა ესაქმებოდა სააკაშვილს პაბლო ესკობარის საფლავზე, რატომ ჩავიდა კოლუმბიაში? ის იყო საქართველოს სამარცხვინო პრეზიდენტი. ამას გარდა, 2 თვითმფრინავი შეაძენინა თავდაცვის სამინისტროს. ერთი რამ მინდა გითხრათ, ჩემ ირგვლივ თუ რაიმე ხდება, ყველაფერი მაქვს გამჭვირვალე, არაფერი მაქვს არავისთან დასამალი. არავის გაგხსენებიათ, გამოგეძიებინათ საიდან გამდიდრდა ყველაზე სააკაშვილის მთავრობის ყველაზე გაჭირვებული წევრი, კეზერაშვილი. მარტო ერთი კეზერაშვილის კორუფცია გადაწონის მთელი ამ 30 წლის განმავლობაში მომხდარ სკანდალურ ფაქტებს. ადამიანმა, რომელმაც გაძარცვა ჯარი, ახლა ევროპის პენსიონერები გაძარცვა. მილიარდ დოლარზე მეტია მოპარული“, - განაცხადა ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024