შალვა პაპუაშვილი ოპოზიციაზე - მთავარი პროპაგანდისტული ხაზია, როგორმე კორუფცია და ძალადობა დააბრალონ ხელისუფლებას და რაღაცნაირად ლაქის ჩამორეცხვა შეძლონ - სიმართლე არის ზუსტად ის, რომ მათ მიერ შექმნილი სისტემა "ქართულმა ოცნებამ" დაანგრია

ამ ისტორიამაც დაგვანახა ერთი რამე, რომ ოპოზიციას მხოლოდ ერთი მიზანი აქვს - რამენაირად ჩამოირეცხონ ის ლაქა, რაც მათ საკუთარ ხელისუფლებაში ყოფნის დროს დაიდეს. კერძოდ, "ნაციონალურმა მოძრაობამ" ორი რამე შეძლო - შექმნა კორუფციისა და ძალადობის სისტემა, - ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

როგორც პარლამენტის თავმჯდომარემ აღნიშნა, ნაციონალური მოძრაობის“ პროპაგანდისტული ხაზია, როგორმე კორუფცია და ძალადობა ხელისუფლებას დააბრალონ და ამით საკუთარი ლაქის ჩამორეცხვა სცადონ.

,,თუ დააკვირდებით, მათი მთავარი პროპაგანდისტული ხაზია, როგორმე კორუფცია და ძალადობა დააბრალონ ხელისუფლებას და ამით რაღაცნაირად შეძლონ საკუთარი ლაქის ჩამორეცხვა. სწორედ, აქეთ მიდის ყველაფერი - ერთი, რომ ცდილობენ, რაღაცნაირად ისეთი საკითხი მოძებნონ, რომელიც გირგვლიანის მსგავსი საქმე იქნება და ამაზე აწევენ ემოციებს, ასევე ცდილობენ, მუდმივად კორუფციულ სქემებზე ბრალდებები წამოაყენონ. საქმეც იმაშია, რომ სიმართლე სულ სხვაა. საბოლოო ჯამში, ყველა ასეთი ყალბი ამბავი იფუშება და უშედეგოდ მთავრდება, რადგან სიმართლე არის ზუსტად ის, რომ მათ მიერ შექმნილი სისტემა "ქართულმა ოცნებამ" დაანგრია და ქართული საზოგადოება კორუფციული მარწუხებისგან გაათავისუფლა. სწორედ იმას უზრუნველყოფს "ქართული ოცნება", რომ არ დააბრუნოს მოძალადე და კორუმპირებული ძალები ხელისუფლებაში. ეს იქნება სწორედ მომავალ წელს საპარლამენტო არჩევნებში მთავარი არჩევანი”, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024