თინა ბოკუჩავა - ნიშანდობლივია, რომ გადატრიალების მოტივით გამოძიება არჩევნების წინ იწყება და შემდეგ ვერავის გამოვლენა ვერ ხდება - საინტერესოა, რომ ამ თემაზე დაწყებული გამოძიების სტატისტიკური კვლევა ვაწარმოოთ

ნიშანდობლივია, რომ გადატრიალების მოტივით გამოძიება არჩევნების წინ იწყება და შემდეგ ვერავის გამოვლენა ვერ ხდება - საინტერესოა, რომ ამ თემაზე დაწყებული გამოძიების სტატისტიკური კვლევა ვაწარმოოთ, - ასე პასუხობს ფრაქცია „ნაციონალური მოძრაობის“ თავმჯდომარე თინა ბოკუჩავა სამოქალაქო არეულობის სავარაუდო დაგეგმვის საქმესთან დაკავშირებით, სუს-ში, სერბეთის მოქალაქეების, ჯგუფ „კანვასის“ სამი წევრის გამოკითხვაზე დაბარების თაობაზე დასმულ კითხვას.

ბოკუჩავას თქმით, საქართველოს მოქალაქეთა უმრავლესობას სუს-ის მუდმივი ბოდვა მოგონილ სახელმწიფო გადატრიალებასთან დაკავშირებით მობეზრდა. მისივე შეფასებით, ადგილი აქვს მნიშვნელოვანი თემების ფსევდო თემებით გადაფარვის მცდელობას.

„ესეც მორიგი ფარსია, რაც რეალურად მნიშვნელოვანი, ივანიშვილისთვის პრობლემური თემების გადაფარვის მიზანს ემსახურება - მათ შორისაა თემა, როცა მისი გარემოცვის საკვანძო წევრი ოთარ ფარცხალაძე სანქცირებულია აშშ-ს მიერ და აღწერილია როგორც რუსი-ქართველი ოლიგარქი. ივანიშვილმა მიიღო გზავნილი, რომ სანქციების წრე ვიწროვდება და მასთან სულ უფრო ახლოს მიდის. ეს არის ის, რაც რეალურად ბიძინა ივანიშვილს აღელვებს. შესაბამისად, ეს აღელვებს სუს-ს და ყველა სხვა უწყებას, რომელიც ბიძინა ივანიშვილის ძალაუფლების შენარჩუნებას ემსახურება. ამიტომ ამ მნიშვნელოვანი თემის გადასაფარად რაღაც ფსევდო თემები უნდა მოიფიქრონ“, - განაცხადა თინა ბოკუჩავამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024