წარმოუდგენელია იმ მოლოდინის არსებობა, რომ სახელმწიფო უსაფრთხოების სამსახური ან რომელიმე სტრუქტურა ფარცხალაძის საქმეს გამოიძიებს, - ამის შესახებ „ერთიანი ნაციონალური მოძრაობის“ პარლამენტის დეპუტატმა, ანა წითლიძემ განაცხადა.
მისივე განმარტებით, „სასაცილო ამბავია ის, რომ არსებული ხელისუფლება ფარცხალაძეს დასჯის“.
„ფარცხალაძეს რომ ეს ხელისუფლება დასჯის, უბრალოდ, სასაცილო ამბავია. წარმოუდგენელია, ხელისუფლება, რომელიც ფარცხალაძეზე დგას, ის დასაჯოს. ის არამხოლოდ ამ ქვეყნის სამართალდამცავი სტრუქტურების მთავარი მაკოორდინირებელი ადამიანია, არამედ ისაა ვინც, ქართული ოცნების საარჩევნო კამპანიებს მართავს. ამიტომაც, ეს არის მთავარი მიზეზი იმისა, რომ მთელი სისტემა ფარცხალაძეს იცავს. წარმოუდგენელია იმ მოლოდინის არსებობა, რომ სახელმწიფო უსაფრთხოების სამსახური ან რომელიმე სტრუქტურა ფარცხალაძის საქმეს გამოიძიებს. როდესაც ფარცხალაძეზე ვსაუბრობთ, უნდა გვესმოდეს, რომ ბიძინა ივანიშვილზე ვსაუბრობთ. ოთარ ფარცხალაძე ივანიშვილისთვის ყველაზე დიდი ნდობით აღჭურვილი პირია“,- განაცხადა ანა წითლაძემ.