შალვა პაპუაშვილი ირლანდიის სენატის თავმჯდომარეს შეხვდა

საქართველოს პარლამენტის თავმჯდომარე შალვა პაპუაშვილი ირლანდიის სენატის თავმჯდომარეს ჯერი ბუტიმერს შეხვდა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შალვა პაპუაშვილმა ჯერი ბუტიმერს მადლობა გადაუხადა სენატის მიერ საქართველოს მხარდამჭერი რეზოლუციის მიღებისთვის. აგრეთვე, ირლანდიურ მხარეს გააცნო ევროკავშირის რეკომენდაციების განხორციელების პროგრესი.

„სენატის პრეზიდენტმა საქართველოს ტერიტორიული მთლიანობის და ევროკავშირის წევრობის მტკიცე მხარდაჭერა დააფიქსირა, ასევე გამოთქვა საქართველოსთვის კანდიდატი ქვეყნის სტატუსის მინიჭების სურვილი.

ამასთან, მხარეებმა ხაზი გაუსვეს ევროპისა და აზიის დასაკავშირებლად საქართველოს სტრატეგიულ მდებარეობას, აბრეშუმის გზის და ე.წ. ვაჭრობის შუა დერეფნის მნიშვნელობას.

შალვა პაპუაშვილმა და ჯერი ბუტიმერმა აღნიშნეს საქართველოში ირლანდიის საელჩოს გახსნის საჭიროება ორმხრივი ურთიერთობების შემდგომი გაღრმავების მიზნით.

შეხვედრას საქართველოს მხრიდან ასევე ესწრებოდნენ დელეგაციის წევრები, დეპუტატები: ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელი ირაკლი ჩიქოვანი და გარემოს დაცვისა და ბუნებრივი რესურსების კომიტეტის თავმჯდომარე, საქართველო-ირლანდიის საპარლამენტო მეგობრობის ჯგუფის ხელმძღვანელი მაია ბითაძე”, - ნათქვამია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი