გიორგი ვაშაძე - მიხეილ სააკაშვილის იდეა „საქმე, საქმე და საქმეზე ორიენტაცია“ იქნება ჩვენში - მიშასაც გავათავისუფლებთ და გამარჯვების გოლს თქვენთან ერთად გავიტანთ

კიდევ ბევრი რამე გვაქვს პენსიონერებისთვის, ხომ იცით, რომ საქმის გამკეთებლები ვართ, მიხეილ სააკაშვილის ის იდეა - „საქმე, საქმე და საქმეზე ორიენტაცია“ იქნება ჩვენში, - ასე მიმართა „სტრატეგია აღმაშენებლის“ თავმჯდომარემ, გიორგი ვაშაძემ პენსიონერთა პირველ ფორუმზე შეკრებილ საზოგადოებას და სამომავლო საქმიანობის შესახებ გეგმა გააცნო.

როგორც „გამარჯვების კოალიციის" ერთ-ერთი ლიდერი აღნიშნავს, მათ პენსიონერებთან დაკავშირებით კიდევ არაერთი იდეა აქვთ, რომელსაც მომავალში განახორციელებენ.

ვაშაძის თქმით, „ერთიანი ნაციონალური მოძრაობისა" და „სტრატეგია აღმაშენებლის" კოალიცია დაფუძნებულია სააკაშვილისეულ იდეაზე, რაც მუდმივად საქმეზე ორიენტაციას გულისხმობს.

„პირველივე თვეს, პირველივე გადაწყვეტილება, რომელსაც ხელს მოვაწერთ, იქნება საპენსიო სესხების განულება, ამის პირობას გაძლევთ და ამას გავაკეთებთ. მადლობა, რომ ჩვენთან ერთად ხართ. კიდევ ბევრი რამე გვაქვს პენსიონერებისთვის. ხომ იცით, რომ საქმის გამკეთებლები ვართ, მიხეილ სააკაშვილის ის იდეა - საქმე, საქმე და საქმეზე ორიენტაცია, იქნება ჩვენში. მიშასაც გავათავისუფლებთ და ყველა ერთად გავიმარჯვებთ. ასეთ ჭაობში როგორ უნდა ცხოვრობდეს საქართველო, უსამართლოა და დიდი გამარჯვების გოლს თქვენთან ერთად გავიტანთ! წინ გამარჯვებისკენ, წინ ერთიანობისკენ, წინ ძლიერი საქართველოსკენ!" - განაცხადა ვაშაძემ, რომლის კომენტარსაც „სტრატეგია აღმაშენებელი“ ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024