შემოვლითი რკინიგზის პროექტი, რომელიც ქალაქს საცობებისგან გაათავისუფლებდა, მხოლოდ ერთი მიზეზით გააჩერეს - ეს მიხეილ სააკაშვილის სახელს და გვარს უკავშირდებოდა ,- ამის შესახებ საკრებულოს ფრაქცია „ერთიანი ნაციონალური მოძრაობის“ თავმჯდომარემ, ირაკლი ნადირაძემ განაცხადა.

მისივე განმარტებით, აღნიშნული პროექტი „აბსოლუტურად უმიზეზოდაა გაჩერებული“.

„აბსოლუტურად უმიზეზოდაა გაჩერებული შემოვლითი რკინიგზის პროექტი, რომლის ადგილას მთელ ქალაქში ახალი, დიდი სატრანსპორტო არტერია უნდა გაკეთებულიყო. ის დანარჩენ ქალაქს განივი გზებით, ახალი ხიდებით, ესტაკადები, გზებით უნდა დაჰკავშირებოდა და ქალაქი საცობებისგან უნდა გაეთავისუფლებინა. ეს პროექტი გააჩერეს ერთადერთი რამის გამო, რომ ამ პროექტის მშენებლობა მიხეილ სააკაშვილის სახელს და გვარს უკავშირდებოდა“, - განაცხადა ირაკლი ნადირაძემ.