21-22 ოქტომბერს ქუთაისში CITYTHON ჩატარდება. ინფორმაციას ქუთაისის მერია ავრცელებს.
მათივე ცნობით, 36 საათის განმავლობაში, ჰაკათონის მონაწილეები ქალაქში არსებული პრობლემების კრეატიულად და ინოვაციურად გადაჭრას შეეცდებიან.
„საინფორმაციო ტექნოლოგიები და ინოვაციები, ინფრასტრუქტურა, საზოგადოებრივი ტრანსპორტი და პარკირება, მშენებლობა და ქალაქდაგეგმარება, ეკოლოგია და გარემოს დაცვა, უსაფრთხოების სერვისები, სოციალური მომსახურება - ამ თემების გარშემო მონაწილეები ახალ და ინოვაციურ პროტოტიპებს შექმნიან.
ჰაკათონი ქუთაისის მუნიციპალიტეტის მერიის და საქართველოს ინოვაციებისა და ტექნოლოგიების სააგენტოს ერთობლივი ძალისხმევით ხორციელდება, ევროკავშირის პროექტის “ინტეგრირებული ტრანსფორმაცია მდგრადი განვითარებისთვის” ფარგლებში, USAID/Georgia ის მხარდაჭერით“,- აღნიშნულია ინფორმაციაში.
ჰაკათონში მონაწილეობის მიღების მსურველები უნდა დარეგისტრირდნენ შესაბამის ბმულზე.