შალვა პაპუაშვილი - ოპოზიციამ აჩვენა, რომ იმ ბაქი-ბუქის უკან, რომელიც მათგან სიტყვიერად გვესმის, ქართველი ხალხის მხარდაჭერა არ დგას - იცოდნენ, რომ არჩევნებში კატასტროფულად წააგებდნენ

ოპოზიციამ აჩვენა, რომ იმ ბაქი-ბუქის უკან, რომელიც მათგან სიტყვიერად გვესმის, ქართველი ხალხის მხარდაჭერა არ დგას - იცოდნენ, რომ ამ არჩევნებში კატასტროფულად წააგებდნენ, - ამის შესახებ საქართველოს პარლამენტის თავმჯდომარე შალვა პაპუაშვილმა გუშინ გამართულ რიგგარეშე/შუალედურ არჩევნებთან დაკავშირებით განაცხადა.

მისივე თქმით, შეუძლებელია ქართველმა ხალხმა ხმა იმ პოლიტიკურ ძალას მისცეს, რომელიც უცხო ქვეყნის ინტერესებით მოქმედებს და არა ქართველი ხალხის.

„სამწუხაროა, რომ ოპოზიციამ არ მიიღო მონაწილეობა ამ არჩევნებში, ეს ნიშანდობლივია და ამითაც აჩვენეს, რომ იმ ბაქი-ბუქის უკან, რომელიც მათგან გვესმის სიტყვიერად, სინამდვილეში ქართველი ხალხის მხარდაჭერა არ დგას. წინ ამ პარლამენტს კიდევ ერთი წელი აქვს და რა თქმა უნდა, ერთი დამატებითი მანდატი ოპოზიციისთვის მნიშვნელოვანი იქნებოდა, იმისთვის, რომ საკუთარი წარმომადგენლობა გაეძლიერებინა. მეორე მხრივ, თუკი ფიქრობენ, რომ მათ ხალხის მხარდაჭერა აქვთ, კარგი შესაძლებლობა იქნებოდა, რომ ეს შუალედური არჩევნები გამოეყენებინათ და ეჩვენებინათ როგორც საზოგადოებისთვის, ისე საკუთარი უცხოელი მფარველებისთვის, რომ მათ აქვთ ხალხის მხარდაჭერა, მაგრამ იცოდნენ, რომ კატასტროფულად წააგებდნენ ამ არჩევნებში, ვინაიდან ის პოლიტიკური ძალა, რომელიც იყურება უცხო ქვეყნისკენ და მის ინტერესებში მოქმედებს და არა ქართველი ხალხის ინტერესებში, შეუძლებელია, ქართველმა ხალხმა ხმა მისცეს ასეთ ძალას,“ - განაცხადა პაპუაშვილმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად