შალვა პაპუაშვილი სლოვენიის ეროვნული ასამბლეის პრეზიდენტს შეხვდა

საქართველოს პარლამენტის თავმჯდომარე შალვა პაპუაშვილმა ოფიციალური ვიზიტით მყოფ სლოვენიის პარლამენტის თავმჯდომარე ურშკა კლაკოჩარ ზუპანჩიჩს უმასპინძლა. ინფორმაციას პარლამენტის პრესსამსახური ავრცელებს.

მათივე ცნობით, ხაზი გაესვა სლოვენიის ეროვნული ასამბლეის პრეზიდენტის პირველი ოფიციალური ვიზიტის წელს განხორციელების მნიშვნელობას, რადგან წელს აღინიშნება ორ ქვეყანას შორის დიპლომატიური ურთიერთობების 30-ე წლისთავი.

შალვა პაპუაშვილმა აღნიშნა, რომ სლოვენია საქართველოს დიდი მხარდამჭერია ევროკავშირსა და ნატოში გაწევრიანების გზაზე, რისთვისაც სლოვენიურ მხარეს მადლობა გადაუხადა.

შეხვედრაზე საუბარი შეეხო საქართველო-სლოვენიის ორმხრივ ურთიერთობებს, რეგიონის უსაფრთხოების გამოწვევებს და საქართველოს პროგრესს ევროკავშირსა და ნატოში გაწევრიანების გზაზე.

მხარეებმა ხაზი გაუსვეს საპარლამენტო დიპლომატიის გააქტიურების მნიშვნელობას ორ ქვეყანას შორის თანამშრომლობაში ხელშესახები შედეგების მიღწევისთვის. გამოხატეს მეგობრობის ჯგუფებსა და სექტორულ კომიტეტებს შორის კავშირების გაძლიერების მზაობა. ყურადღება გაამახვილეს კლიმატის ცვლილებიდან მომდინარე გამოწვევებზე და გამოთქვეს ამ მიმართულებით თანამშრომლობის სურვილი.

ურშკა კლაკოჩარ ზუპანჩიჩმა განცხადებით, სლოვენია მხარს უჭერს ევროკავშირის გაფართოებას, ვინაიდან ევროპული ინტეგრაცია წარმოადგენს თანამედროვე მსოფლიო გამოწვევებთან გამკლავების საუკეთესო გზას. იგი მიესალმა საქართველოს მიერ განხორციელებულ რეფორმებს და საქართველოს ევროკავშირსა და ნატოს წევრობისადმი სრული მხარდაჭერა დააფიქსირა“, - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024