ალუდა ღუდუშაური - უმარტივესი „ქეისი“ დევს საკონსტიტუციო სასამართლოს წინაშე - პრეზიდენტს ღია ომი აქვს გამოცხადებული

უმარტივესი „ქეისი“ დევს საკონსტიტუციო სასამართლოს წინაშე - მტკიცებულებები, თუ როგორ ირღვევა კონსტიტუცია, ასე მზის შუქზე და თვალნათლივ, სხვა არც ერთ „ქეისთან” მიმართებით არ ქონია სასამართლოს, - ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა.

მისი შეფასებით, პრეზიდენტს კონსტიტუციის წინააღმდეგ ღია ომი აქვს გამოცხადებული.

„პრეზიდენტმა ღიად, საჯაროდ გადაწყვიტა დაპირისპირებოდა კონსტიტუციას, რაც არის ქვეყნის ღირსება, სუვერენიტეტი, ქვეყნის ინტერესები დევს კონსტიტუციაში და ჩვენ კრძალვით ვალდებულები ვართ პატივი ვცეთ ყველაზე მთავარ კანონს - კონსტიტუციას. ამ ყველაფრის გარანტი უნდა იყოს პრეზიდენტი. ყველა, მათ შორის, საერთაშორისო საზოგადოება კარგად ხედავს, რომ პრეზიდენტს ღია ომი აქვს გამოცხადებული და ყოველდღიურ რეჟიმში ხდება კონსტიტუციის უხეში დარღვევა. ჩვენ ვერავითარ შემთხვევაში ვერ ვიქნებით გულგრილი ამის მიმართ, ეს იქნებოდა ჩვენი თანამონაწილეობა და წარმოუდგენელია, რომ თანამონაწილე ვიყოთ კონსტიტუციის დარღვევის, აქედან გამომდინარე ამას მოჰყვება რეაგირება და უმარტივესი "ქეისი" დევს საკონსტიტუციო სასამართლოს წინაშე, ასე მზის შუქზე, თვალნათლივ, თუ როგორ ირღვევა კონსტიტუცია, ამის მტკიცებულებები, სხვა არც ერთ "ქეისთან" მიმართებით არ ქონია სასამართლოს. შესაბამისად, პრეზიდენტს ვურჩევდით, კაპიტანი გიგაურისგან კი ნუ იღებს რჩევებს, პატივი სცეს საკუთარ ხალხს, ქვეყანას და კონსტიტუციას“, - განაცხადა ღუდუშაურმა.

ინფორმაციისთვის, საკონსტიტუციო სასამართლო პრეზიდენტ სალომე ზურაბიშვილის იმპიჩმენტის თაობაზე კონსტიტუციურ წარდგინებას ზეპირი მოსმენით დღეს, 3 ოქტომბერს განიხილავს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024