ირაკლი კობახიძე - თუ სალომე ზურაბიშვილი ლაზარე გრიგორიადისს შეიწყალებს, რევოლუციურ პროცესებში ღიად ჩაერთვება

„ქართული ოცნების“ თავმჯდომარის ირაკლი კობახიძის განცხადებით, თუ სალომე ზურაბიშვილი ლაზარე გრიგორიადისს შეიწყალებს, „რევოლუციურ პროცესებში ღიად ჩაერთვება“.

როგორც კობახიძემ ჟურნალისტებს განუცხადა, პრეზიდენტისა და „რადიკალური ოპოზიციის“ ალიანსი ისედაც ჩანს და თუ პრეზიდენტი შეწყალების ნაბიჯს გადადგამს, ეს „მისი რევოლუციური მისწრაფებების სრული ლუსტრაციაც იქნება“.

„ყველა ვხედავთ ალიანსს სალომე ზურაბიშვილსა და რადიკალურ ოპოზიციას, კოლექტიურ „ნაცმოძრაობას“ შორის, მათ საერთო პატრონი ჰყავთ და საერთო დღის წესრიგით მოქმედებენ. თუ სალომე ზურაბიშვილი ასეთ ნაბიჯზე წავა, ის ღიად ჩაერთვება რევოლუციურ პროცესებში. ვნახოთ, გააკეთებს თუ არა ამას. ეს იქნება ერთგვარი სიგნალი გრიგორიადისის მსგავსი ახალგაზრდებისთვის, რომ პოლიციელის ცოცხლად დაწვა შეიძლება დარჩეს დაუსჯელი. ასეთი სიგნალის გაშვება ნიშნავს რევოლუციური პროცესების წახალისებას. ისედაც ლუსტრირებულია სალომე ზურაბიშვილის ალიანსი რადიკალურ ოპოზიციასთან და თუ ამას გააკეთებს, ეს იქნება მისი რევოლუციური მისწრაფებების სრული ლუსტრაციაც“,- განაცხადა ირაკლი კობახიძემ.

კითხვაზე, ვის გულისხმობს პრეზიდენტისა და რადიკალური ოპოზიციის „საერთო პატრონში“, კობახიძე ამბობს, რომ „გლობალური ომის პარტიას“.

შეგახსენებთ, რომ ლაზარე გრიგორიადისი, რომელსაც მამის, ბექა გრიგორიადისის დაჭრას ედავებიან, თბილისის საქალაქო სასამართლომ დამნაშავედ ცნო. აღნიშნული გადაწყვეტილება თბილისის საქალაქო სასამართლოს მოსამართლემ ნინო ნაჭყებიამ გამოაცხადა. ნაჭყებიას გადაწყვეტილებით, ლაზარე გრიგორიადისს 1 წლითა და 6 თვის ვადით თავისუფლების აღკვეთა მიესაჯა.

მოსამართლის გადაწყვეტილებითვე, გრიგორიადისთვის სისხლის სამართლის კოდექსის 11 პრიმა 120-ე მუხლით წარდგენილი ბრალდება, რაც ჯანმრთელობის განზრახ მსუბუქ დაზიანებას გულისხმობს, 126-ე პრიმა მუხლის მე-2 ნაწილზე გადაკვალიფიცირდა, რაც ოჯახის წევრის მიმართ ჩადენილ ძალადობას გულისხმობს. ნინო ნაჭყებიას გადაწყვეტილებით, გრიგორიადისი დამნაშავედ იქნა ცნობილი 187-ე მუხლის პირველი ნაწილით წარდგენილ ბრალდებაში, რაც გრიგორიადისს მამის კუთვნილი მანქანის დაზიანებას გულისხმობს. მას მოსამართლემ 3000-ლარიანი ჯარიმა დააკისრა, თუმცა მძიმე სასჯელმა აღნიშნული სასჯელი შთანთქა.

ლაზარე გირგორიადისი წარდგენილ ბრალდებას აღიარებს, მეორე მხრივ, დაზარალებულს მომხდარზე პრეტენზია არ აქვს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024