ირაკლი კობახიძე - პრეზიდენტი იცლის არაკონსტიტუციური ვიზიტებისთვის, მაგრამ ვერ იცლის საკონსტიტუციო სასამართლოში ჩამოსასვლელად - ეს სასამართლოს მიმართ უპატივცემულობაა

პრეზიდენტი იცლის არაკონსტიტუციური ვიზიტებისთვის, მაგრამ ვერ იცლის საკონსტიტუციო სასამართლოში ჩამოსასვლელად, რაც ბუნებრივია, ძალიან სამწუხაროა, - ამის შესახებ „ქართული ოცნების“ თავმჯდომარემ ირაკლი კობახიძემ ჟურნალისტებთან განაცხადა.

კობახიძის შეფასებით, პრეზიდენტი სალომე ზურაბიშვილი არაკონსტიტუციურ ქმედებებს აგრძელებს.

„პრეზიდენტის არჩამოსვლა არის უპატივცემულობა საკონსტიტუციო სასამართლოს მიმართ. ის იცლის არაკონსტიტუციური ვიზიტებისთვის, მაგრამ ვერ იცლის საკონსტიტუციო სასამართლოში ჩამოსასვლელად, რაც ბუნებრივია, ძალიან სამწუხაროა.

რაც შეეხება საქმეს, არის ძალიან მარტივი, უმარტივესი კაზუსი პირველი კურსის პირველი ლექციის. შესაბამისად, ჩვენ ვართ ოპტიმისტურად განწყობილი.

პრეზიდენტმა თვითონ აღიარა, რომ მისი ვიზიტები იყო არაკონსტიტუციური. ამაზე მეტყველებს განცხადებები. მაგალითად, მან მისცა ინტერვიუ ერთ-ერთ ტელევიზიას საზღვარგარეთ, სადაც ამბობდა, რომ მას ოფიციალურად არ ჰქონდა უფლება ყოფილიყო იმ სახელმწიფოში. ეს იყო ჩვეულებრივი აღიარება, მას თვითონ აქვს აღიარებული, რომ არღვევს კონსტიტუციას, ეს არის აბსოლუტურად ცხადი. მას განზრახ აქვს დარღვეული საქართველოს კონსტიტუცია ძალიან უხეშად და ამას აგრძელებს. აგრძელებს არაკონსტიტუციურ ქმედებებს, რაც ბუნებრივია შემაშფოთებელია. თუ რაიმეს შეიძლება დაერქვას ევროპული პერსპექტივის საბოტაჟი, ეს არის სწორედ კონსტიტუციის უხეში დარღვევა, საუბარი იმაზე, რომ ქვეყანა მხოლოდ ფორმალურად ასრულებს ევროკავშირის მოთხოვნებს და ა.შ. სწორედ პრეზიდენტის ქმედებებში იკითხება საბოტაჟის ძალიან აშკარა და უხეში ნიშნები.

მე გამაცნეს მასალები, რომელიც უკავშირდება ამ პროცესს, მათ შორის, პრეზიდენტის ერთ-ერთი წარმომადგენლის პოზიცია - აბსოლუტურად უსუსურია იქ წარმოდგენილი მსჯელობა. სერიოზულად ვერც განვიხილავ იმ არგუმენტებს, რომლებიც იქ არის წარმოდგენილი. იმედია, დღეს უფრო მეტს მოვისმენ. კოპალეიშვილს აქვს ეს პოზიცია გახმოვანებული, რაც მე გამაცნეს და აბსოლუტურად არასერიოზულია რაზეც იქ არის საუბარი“, - განაცხადა კობახიძემ.

ინფორმაციისთვის, საკონსტიტუციო სასამართლო პრეზიდენტ სალომე ზურაბიშვილის იმპიჩმენტის თაობაზე კონსტიტუციურ წარდგინებას ზეპირი მოსმენით დღეს, 3 ოქტომბერს განიხილავს.

საკონსტიტუციო სასამართლოში პრეზიდენტ სალომე ზურაბიშვილის ინტერესებს იურისტები თამარ ჩუგოშვილი და მაია კოპალეიშვილი დაიცავენ. შესაბამისი ინფორმაცია სოციალურ ქსელში თავად პრეზიდენტმა გაავრცელა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 20.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე