ილია დარჩიაშვილი ევროკომისარ პაოლო ჯენტილონის შეხვდა

სტრასბურგში სამუშაო ვიზიტის ფარგლებში, საგარეო საქმეთა მინისტრმა, ილია დარჩიაშვილმა ეკონომიკის საკითხებში შეხვედრა ევროკომისართან პაოლო ჯენტილონისთან გამართა.

ამის შესახებ ინფორმაციას საქართველოს საგარეო საქმეთა სამინისტრო ავრცელებს.

მათივე ინფორმაციით, შეხვედრაზე განხილულ იქნა საქართველოს მიერ ევროკომისიის 12 რეკომენდაციის შესრულების პროცესი. მინისტრმა ევროკომისარს ამომწურავი ინფორმაცია მიაწოდა საქართველოს მიერ, ამ მიმართულებით გადადგმული ნაბიჯების და მიღწეული შედეგების შესახებ. ილია დარჩიაშვილმა იმედი გამოთქვა, რომ საქართველოს მიერ გაწეული ძალისხმევა შესაბამისად იქნება შეფასებული და ქვეყანას მიენიჭება კანდიდატის სტატუსი.

ამასთან, აღინიშნა, რომ რეფორმების გატარების პროცესი მიმდინარეობს ევროკავშირის შესაბამის ინსტიტუციებთან მჭიდრო თანამშრომლობით, ასევე ვენეციის კომისიისა და ეუთო/ოდირის რეკომენდაციების გათვალისწინებით.

„ხაზი გაესვა ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას და მის მნიშვნელობას საქართველოს და ქვეყნის ბიზნეს სექტორის განვითარებისთვის, დადებითად შეფასდა შეთანხმების იმპლემენტაციის პროცესის მიმდინარეობა.

მხარეებმა ხაზი გაუსვეს ასევე ევროკავშირთან სექტორული ინტეგრაციის აუცილებლობას და ამ მხრივ განსაკუთრებული ყურადღება დაუთმეს ევროპის ერთიან ბაზარზე საქართველოს სრული ინტეგრაციის მნიშვნელობას.

მხარეებმა ასევე ისაუბრეს თანამშრომლობის შემდგომი გაძლიერების პერსპექტივებსა და სამომავლო გეგმებზე“, - აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024