გიორგი კახიანი - პრეზიდენტის წარმომადგენელი როდესაც 2X2-ზე ამბობ, რომ 5 ან 7-ია, ბუნებრივია, კარგ მდგომარეობაში ვერ აღმოჩნდები - იურისტებსაც კი უჭირთ პრეზიდენტის დაცვა

„ქართული ოცნების“ დეპუტატის, გიორგი კახიანის შეფასებით, საკონსტიტუციო სასამართლოში პრეზიდენტის იმპიჩმენტის წარდგინებისას სალომე ზურაბიშვილის წარმომადგენლების პოზიცია სუსტი იყო.

ამის შესახებ მან ჟურნალისტებს განუცხადა.

„ჩვენთვის არ იყო ცნობილი მათი პოზიცია იმიტომ, რომ აქამდე არც წერილობით ჰქონდათ რაიმე წარმოდგენილი და რა საფუძველს დაეფუძნებოდა მათი პოზიცია ჩვენ არ ვიცოდით. მხოლოდ ახლა გაჟღერდა და მოვისმინეთ ის, რაც მოვისმინეთ. არ მეგონა, თუ პრეზიდენტის წარმომადგენლობას ასეთი სუსტი პოზიცია ექნებოდა. ფაქტობრივად, თავიანთი პოზიციით თავდაყირა დააყენეს კონსტიტუციის სულისკვეთება, კონსტიტუციური მართლწესრიგი. ის სამართლებრივი განმარტებები, რომელიც მათ გააკეთეს, კონკრეტულ კონსტიტუციურ ნორმებთან მიმართებით, არის სრულიად არარელევანტური და ვერანაირად ვერ შეესაბამება კონსტიტუციის სულისკვეთებას. ამიტომ ჩვენ ჩვენს პოზიციებს როცა გაგრძელდება სხდომა იქ დავაფიქსირებთ. არანაირად არ ვაკნინებ პრეზიდენტის წარმომადგენლების კომპეტენციას, პირიქით, დიდ პატივს ვცემ მათ და არანაირად ეჭვქვეშ არ შეიძლება მათი კომპეტენციის დაყენება. მაგრამ კაზუსი როგორც ასეთი, კონსტიტუციის დარღვევის ფაქტს ვგულისხმობ, იმდენად აშკარაა, რომ აქ პრეზიდენტის ქმედებების დაცვა უბრალოდ წარმოუდგენელია და როდესაც ამას ცდილობ, სრულიად აბსურდულ მოცემულობაში შეიძლება აღმოჩნდე.

პრეზიდენტს, ყველა შემთხვევაში, უნდა ჰყოლოდა წარმომადგენელი. იურისტებსაც კი უჭირთ პრეზიდენტის დაცვა. მე არ მეგულება იურისტი, პოლიტიკური გავლენებისგან თავისუფლად ამ შემთხვევას ახსნიდეს. პრეზიდენტის წარმომადგენელი რომ გქვია, შენი ამოცანაა დაიცვა პრეზიდენტი და პრეზიდენტის ქმედებები. როდესაც 2 X 2 -ზე ამბობ, რომ არის 5 ან 7, ბუნებრივია, ვერ აღმოჩნდები კარგ მდგომარეობაში“,- განაცხადა გიორგი კახიანმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი