გორში ქართული რეწვის ოსტატის, ნანული აზიკურისა და კერამიკოს, გიორგი ტატულაშვილის მასტერკლასები ჩატარდა

გორში ქართული რეწვის ოსტატის, ნანული აზიკურისა და კერამიკოს, გიორგი ტატულაშვილის მასტერკლასები ჩატარდა.

ამის შესახებ ინფორმაციას გორის მერია ავრცელებს.

უწყების ცნობით, ღონისძიება, რომელსაც ხალხური რეწვით დაინტერესებული ადგილობრივები დაესწრნენ, გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ორგანიზებით გაიმართა.

„ხალხური რეწვისა და კერამიკის მასტერკლებს გორის შემოქმედებითი ტურიზმის სახელოსნომ უმასპინძლა.

სახელოსნო ახალი სივრცეა გორში, რომელიც განკუთვნილია ქართული ხალხური რეწვით, ფოლკლორითა და ტრადიციული სახელოვნებო მიმართულებებით დაინტერესებული ტურისტებისა და ადგილობრივი ახალგაზრდებისთვის.

სახელოსნოში გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ჩართულობით გაიმართება საგანმანათლებლო მასტერკლასები, საინფორმაციო - სასწავლო ვორქშოპები. სახელოსნო პერიოდულად, ფოლკლორულ საღამოებს და გამოფენა-გაყიდვებს უმასპინძლებს. სახელოსნოს მოსწავლეები კი, ადგილობრივ ოსტატებთან ერთად, ფესტივალებსა და კონკურსებში მიიღებენ მონაწილეობას.

შემოქმედებითი ტურიზმის სახელოსნოს პროექტი ხელოვნების საერთაშორისო ცენტრის (საქართველო), კულტურული ტურიზმის ევროპული ინსტიტუტის“ (ბულგარეთი), ქალაქ მიკოლაევის განვითარების ფონდის (უკრაინა) და გორის მუნიციპალიტეტის მერიის ერთობლივი ძალისხმევით და ევროკავშირის ,,შავი ზღვის აუზის ქვეყნების ერთობლივი სამოქმედო პროგრამის“ ფინანსური მხარდაჭერით განხორციელდა.

სახელოსნოს მიზანია გორში შემოქმედებითი ტურიზმის, მცირე ბიზნესისა და მეწარმეობის განვითარების ხელშეწყობა“,- აღნიშნულია უწყების მიერ გავრცელებულ ინფორმაციაში.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად