თამარ ჩუგოშვილი - საიმპიჩმენტო წარდგინების ავტორების მხრიდან მტკიცებულებები სრულებით არ არსებობს, მხოლოდ მათი მოსაზრებები არსებობს

საკონსტიტუციო სასამართლოში პრეზიდენტის საიმპიჩმენტო წარდგინებისას, საქართველოს პრეზიდენტის, სალომე ზურაბიშვილის წარმომადგენლის, თამარ ჩუგოშვილის განცხადებით, საიმპიჩმენტო წარდგინების ავტორებს მტკიცებულებები არ გააჩნიათ.

როგორც საკონსტიტუციო სასამართლოში აღნიშნული საკითხის განხილვის დასრულების შემდეგ, ჩუგოშვილმა ჟურნალისტებს განუცხადა, წარდგინების ავტორებს მხოლოდ მოსაზრებები აქვთ.

„აუცილებელია, რომ პროცესი იმ პირობებში წარიმართოს, როცა სასამართლო თანასწორად ექცევა ორივე მონაწილეს, ორივე სუბიექტს, ვინც ამ პროცესში ვართ წარმოდგენილი. სხვანაირად აუცილებლად გაჩნდება განცდა, რომ პროცესი სათანადოდ სამართლიანი არ არის. კონკრეტულ შემთხვევებში არაერთხელ მიუთითა ქალბატონმა მაიამ [კოპალეიშვილმა] და ზუსტადაც ასეთი განცდა დაგვრჩა. ხვალ გაგრძელდება ეს პროცესი, დამატებით ბევრი საკითხის დეტალურად გავლა მოგვიწევს, ალბათ, განსაკუთრებით, მტკიცებულებების ნაწილში, რომელიც მათი მხრიდან სრულებით არ არსებობს, ეს კიდევ ერთხელ უნდა ვთქვა და გავიმეორო, მხოლოდ მათი მოსაზრებები არსებობს და მეტი არაფერი, რა თქმა უნდა, საინტერესო იქნება. სასამართლო რას გაითვალისწინებს და რას არა, წინასწარ არ მინდა საუბარი, სჯობს თავი შევიკავო“, - განაცხადა ჩუგოშვილმა.

კითხვაზე, თუ რა მოლოდინი აქვს გადაწყვეტილებასთან დაკავშირებით, ასე უპასუხა:

„არ ვიტყვი, ამ ეტაპზე თავს შევიკავებ“, - განაცხადა ჩუგოშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 20.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე